خلال هذا الثريد وتحت هذه التغريدة👇🏿حأتكلم عن منتجات سودانية أصيلة ممكن تتحول لمشاريع صادر تدر أموال ضخمة على الافراد والشركات اذا اضيفت قيمة مضافة بسيطة جدا
حأقول المنتج شنو وممكن يتحول لشنو وسعره بالدولار في موقع امازون ومواقع عالمية تانية
#ثريد_الملكة
#تعرف_على_السودان
حأقول المنتج شنو وممكن يتحول لشنو وسعره بالدولار في موقع امازون ومواقع عالمية تانية
#ثريد_الملكة
#تعرف_على_السودان
#الفول_السوداني بتاعنا دا ممكن يتعبأ بطريقة تناسب الصادر كحبوب محمصة سادة او بأضافة نكهات زي الليمون والشطة او الشوكلت او الملح وممكن العبوات تكون بمقاسات مختلفة زي شركة Planters nut واتخصصت بس في الفول السوداني بمختلف خطوط ومقاسات الانتاج شوفوا الاسعار حقتهم في الصور بالدولار
ممكن كمان يتم اضافة قيمة اكبر للفول السوداني بطحنه وتحويله لزبدة او زي ما بنسميها نحن #دكوة , استخدام الزبدة دي خارج السودان مختلف لانه بيعتبر من انواع الفطور الصحي البيتم عمله كساندويتش , فممكن يتم طحن الحبوب بمواصفات معينة اضافة نكهات معاها تعبئة مناسبة للصادر وشوفوا الاسعار
شركة Peanut Butter & Co تسوّق ما بس في الغرب بل انتقلت بمنتجاتها البتبيعا اون لاين للسوق العربية وخاصة الخليجية وبقوا الناس بيطلبوا منتجاتا من امازون وايهيرب..الخ بتروج لمنتجاتها انها خالية من الغلوتين وعضوية..الخ وهي نفسها الدكوة البنشتريها من السوق وبرضو شوفوا الاسعار كيف 👇🏿
كمان ممكن نحول الفول السوداني الى باودر (بودرة فول سوداني) بيتم استخدامها في صناعة الايسكريم والميلك شيك وحاجات كتيرة جدا كمادة خام اساسية والاهم انها بين الرياضيين وهواة الطعام الصحي قليلة السعرات والدهون ومفيدة بمغذيات ممتازة مع مراعاة الجودة والمواصفات والتغليف وغيره
وكمان ممكن التواصل مع الشركات دي وعرض تقديم مادة خام بجودة ممتازة من بلد المنشأ والانتاج مباشرة ودا في حد زاته تسويق خاصة ان السودان من أكبر منتجي الفول السوداني والمصدرين لكن مافي ترويج للشئ دا وفي النهاية بنلقى سوبرماركتات في الخرطوم بتبيع زبدة الفول السوداني المستوردة 🙄 OMG
نجي لزيت الفول السوداني المعروف دا لو اتعبأ بطريقة جيدة ومناسبة وجاذبة برضو ممكن يكون شئ ممتاز للصادر فمثلا العبوة دي من الزيت ما كبيرة سعرها في امازن عامل 22 دولار 👏🏿👏🏿 وفي اصغر منها ب16 دولار لانها عضوية
اخر حاجة هي نواتج العمليات الفوق دي كلها بتننتج لينا اعلاف عالية بالمواد المغذية وخاصة في حالات تسمين الماشية وانتاج الالبان فالناتج من عصر وتنظيف الفول كله الامباز ممكن يكون علف يدخل في تركيب العليقة ( القشور - الكسب- الدريس - السيلاج) كلها من الفول السوداني
دا بالنسبة للفول السوداني فقط كل ماالقى زمن حأكتب عن منتج تاني بنفس الطريقة جوة الثريد دا نفسه ولو انا نسيت حاجة انتو ممكن تكتبوها وكمان الافكار الجديدة حبابكم
المرة الجاية منتج تاني باذن الله
المرة الجاية منتج تاني باذن الله
المنتج التاني #المانجو_السودانية (المنقة) وانا من عشاق المنقة كمنتج ممكن يتعمل منو حاجات وحاجات والسودان مؤهل انه يكون من الدول الاولى المصدرة للمنقة بس للاسف دا ما حاصل ولا حتى مافي ترويج للمنتج وبرة في ناس ماعارفين السودان فيهو منقة من الاساس
كلنا عارفين انو ممكن نصدر المنقة كفاكهة وفي اصناف ممتازة مناسبة الصادر والنكهة مافي اتنين بيختلفوا عليها طيب الانواع الما بتناسب الصادر زي المنقة البلدية ممكن يتعمل منها مركزات المنقة ودي بتتباع في الصين اتخيلو بحوالي 4 دولار للكيلو وبتدخل في صناعة العصائر مواد غذائية كتيرة
مركزات المنقة دي مادة خام الطلب عليها عالي جدا ومدة صلاحيتها طويلة فانتاجا عائده مجزي جدا وأنا عرفت انه في موسم المنقة في السودان في ناس بيدو المنقة للحيوانات لانها بتكون فاضت او يستأجروا ناس ينظفوا ليهم جناينهم منها من كثرة الانتاج ووفرته
ممكن يتم عمل المنقة الطازجة شرائح او مكعبات او اي شكل وتحفظ في تعليب مناسب مع مراعاة الجودة والمعايير بتاعة التصدير ولسة نحن بننتج بالزراعة العضوية شوفوا العلبة الفي الصورة ب حوالي 18 دولار قريب الالف جنيه وفيها زي منقاية واحدة بس علما انو كرتونة المنقة السنة دي كانت ب 350 جنيه
ممكن كمان نجفف المنقة وتتباع كفاكهة طبيعية مجففة زي الزبيب وكمان صحية ولعلمكم انو كل ما كانت الطريقة طبيعية مثلا التجفيف بالشمس بتكون اغلى لانها بتكون طبيعية أكتر مثلا العبوة الفي الصورة دي ب حوالي 44 دولار 😩 فأتخيلوا الكميات الكبيرة ممكن يكون عائدها كيف وشوفوا المكونات شنو
نجي لمنتج تاني #زبدة_المانجو ودي ممكن تتصنع بسهولة من المنقة واسعارا عالية ومدة الصلاحية طويلة وكمادة خام بتدخل في الأكل والكريمات ومستحضرات التجميل والمكياج والشامبوهات والصابون وكتير كتير من المنتجات والطلب عليها من المصانع بالذات عالي الاسعار بين 10 ل30 دولار للعبوات الصغيرة
#زيت_المانجو بيعتبر من الزيوت العطرية البتستخدم في منتجات التجميل والصابون والمعطرات وما يعرف بالاروماثيرابي ومنتجات الشعر ويعتبر غالي لانه العبوة الصغيرة جدا دي عبارة عن 10 مل بس ب 10 دولار و المفاجأة انه الزيت بيتم استخراجه من البذرة الداخلية بالدارجي كدة الكرورة بتاعتا 😹
في كمان #بذور المنقة ودي طبعا شئ يعتبر عندنا ما منه فايدة ولكن بما انو منه ممكن يتم انتاج الزبدة وزيت المانجو فأكيد ممكن تتباع في الهند والصين في مواقع بتبيع (كرور المنقة) بالطن وبمعايير ودرجات مختلفة كمان
حأكتفي بالقدر دا للمنقة رغم انو في منتجات تانية زي المنقة المخللة والصلصات والمربات وحاجات كتيرة وان شاء الله المرة الجاية اتكلم عن منتج اخر 🌹
نجي للمنتج البعده وهو #القونقليز أو التبلدي وطبعا عارفين الفوائد الطبية والغذائية للمنتج والطعم الرائع كمان ممكن يتعبأ بصورة جميلة ويتعمل كبودرة ياها الدُّقة العادية البنعرفا دي وال 29 جرام منه بيتباع بسعر من 10 - 20 دولار بيتعرض بأسم باوباب في الاسواق الخارجية
تقدر قيمة الإيرادات من سوق مسحوق البوباب العالمي بحوالي 5،483 مليون دولار في عام 2017. وبحلول عام 2027 ، من المتوقع أن تصل قيمة سوق مسحوق البوباب العالمي إلى حوالي 10،004 مليون دولار أمريكي بمعدل نمو سنوي مركب يبلغ 6.2٪ مقارنة بالتوقعات.
@aswagalmal ممكن تشرح لينا 😊
@aswagalmal ممكن تشرح لينا 😊
الدراسة الفوق اتعملت بعنوان :
Baobab Powder Market: North America to Lead the Worldwide Market in Terms of Value Share Throughout the Forecast Period: Global Industry Analysis (2012 - 2016) and Opportunity Assessment (2017-2027)
فممكن نكون نحن الرواد مادام نحن منتجين
Baobab Powder Market: North America to Lead the Worldwide Market in Terms of Value Share Throughout the Forecast Period: Global Industry Analysis (2012 - 2016) and Opportunity Assessment (2017-2027)
فممكن نكون نحن الرواد مادام نحن منتجين
ممكن يتباع بالقشرة الخارجية كاملة وممكن كمان بالبذور بتاعته وكلما زادت القيمة المضافة في التصنيع بتعلى الارباح أكتر وأكتر في موقع علي بابا لقيت أنه بيتباع بحوالي 6 دولار للكيلو وانت لماتطلب بيشترط انه اقل كمية تطلبها 10 طن 🧐 أحسبوها وشوفو الكيلو عندنا بكم
مؤخرا اتغيرت مفاهيم الناس نحو الغذاء وبدأت تسود مفاهيم الغذاء النظيف العضوي والخالي من الكيماويات المغذي والخالي من المنكهات ودا الشئ المتوفر في القونقليز وحتى الشركات المشهورة ببيع المشروبات البتعتبر ضارة بالصحة دخلت في الخط دا مثلا شركة بيبسي عملت نوع من القونقليز ونجح جدا
ممكن كمان يتم انتاج #زيت_الباوباب من البذور وبيستخدم في صناعات التجميل ومنتجات الشعر ويعتبر غالي في السعر كمان ال10 مل ب حوالي 10 دولار وبيختلف السعر بطريقة العصر على البارد او العصر على الساخن لاستخراج الزيت وطبعا العلى البارد اغلى لانه بيحافظ على القيمة الموجودة في الزيت
مستخلصات القونقليز والزيت بتدخل في تركيب اغلى لاينات الماركات الاجنبية معناها دا سوق برضو واسعار الكريمات من الماركات دي من 50-150دولار ومؤخرا حبيت طريقة الاقراص البقت تتعمل بيها البودرة بتاعة القونقليز بالجد لذيذة وجميلة برضو ناس النصر عاملين بودرة بس ضافوا معاها سكر
طيب دا بالنسبة للقونقليز ممكن تكون في طرق تانية مثلا في امازون ببيعو البذور عشان للحابي يزرعها بمنطلق انها شجرة معمرة تعيش لالاف السنين وممكن يتوارثوها الناس عبر الاجيال كذكرى وكدة وفي خيارات تانية كمان كدة كفاية للقونقليز ونشوف منتج تاني 🌹
نجي للمنتج البعده #الكركديه وقبل كدة انا اتكلمت عنه بالتفصيل بس هنا حأتطرق لاشياء عملية مباشرة علما انو الكركديه ممكن زراعته في التربة الرملية وبينجح يعني حتى زراعته سهله اولا ممكن يتعبأ زي ما هو بس التغليف والتعقيم يطابق المواصفات وجيراننا المصريين شغالين فيه العبوة من 9 ل 20$
وممكن يتم طحنه ويكون بودرة وبعد كدة حسب المواصفات والتعبئة وانه عضوي او لا بتتباين الاسعار وما بس العبوات الصغيرة في اسواق عالمية الطلب عليهو بالاطنان هسي مثلا العبوات الفي الصورة دي الاسعار بين 8 الى 20 دولار لل 200 جرام منه وقارنوا سعر سوقنا
حتى مستحضرات التجميل الداخلة فيها خلاصة الكركدي بقت مرغوبة أكتر علما انه فيها مضادات للاكسدة فدا بيدي الكريمات والمنتجات المصنوعة منه قيمة اكبر وحتى ميزة انه بيخفض ضغط الدم طبيا بيتعمل على شكل مناسب للأستخدام دا شوفوا الموقع دا تخصصهم ومنتجاتهم بس كركدي
wildhibiscus.com
wildhibiscus.com
المنتجات من الكركدي كتيرة والعملوها عرفوا كيف يستغلوا الفائدة الموجودة فيها ويسوقوا ليهو مع انهم بيستوردوه زي مستوردين كتار من السودان بيرجع يتعبأ وتتلصق عليهو صنع في ..... ويتباع باضعاف السعر الاستوردوه بيهو فأتمنى انه في يوم من الاليام يكون مشروع ناجح في بلدنا ومن خيراته
وتاني حأتكلم عن #الصمغ_العربي ودا يعتبر من المنتجات الما بقدر اوصف فايدته وبيتميز السودان من دون كل دول العالم بانتاجه وهو مكون لحاجات كتيرة شديد انا اتكلمت بالتفصيل في الثريد دا👇🏿قبل كدة حأختصر في الكلام عنه
السودان خلال السنين الفاتت من الاستقلال غير سياسات التعامل مع الصمغ العربي كم مرة للاهمية الشديدة للمنج دا بالرغم من كدة انا متفائلة انه يجي زول ويجيب نظرية اقتصادية جديدة لإدارة المنتج بطريقة فعالة اقتصاديا ولأنه الصمغ فيه تدخل حكومى أكتر حأكتفي بالاشارة للقيمة المضافة للتصنيع
بدل ما يتصدر الصمغ العربي خام ممكن يتم تصديرة مطحون ودي قيمة بسيطة بترفع من سعره اضعاف وممكن داخليا يتم انشاء مصانع للطحن والتعبئة بخيارات كتيرة وبرضو تكون للصادر ومناسبة لكل الاحتياجات ومرات بتسائل انه ليه ما يتم احتكار صناعة الصمغ العربي عندنا في السودان بس بما اننا المنتجين؟
ولأني اتكلمت عنه في ثريد براهو فأكتفي بها القدر لكن خيارات الصناعة فيهو كتيرة جدا ...
Loading suggestions...