((1)) هذا "الثريد" بيتناول إجابة لموضوع قتل بحثآ من السودانين وبقى نغمة هينة لينة في لسان كل واحد وصراع غريب في توقيت مبكر غريب واللي هو نغمة المطالبة ب ((فصل الدين عن الدولة)) لما تسقط و ما عاوزين ((حكم إسلامي )) وإلخ فبيرد الثريد دة بحيادية وبيناقش الموضوع بجانب علمي حيادي
((2))مبدأيآ :- لازم تفرقوا بين الدين الإسلامي الصحيح المتسامح والقيمه عالية بتحمل أسس إدارة عادلة وبين الدين الكان المسيس الكانوا بيشوهو الكيزان لأجل مصالحهم فمبدأيأ حكمك وإعتراضك على الدين النظيف دة بنطاق عمومي عشان عندك تجربة سابقة فاشلة معاهو ما يعني إنه حكم الدين دة لا يصلح
((3)) ثالثآ :- ودي رسالة للنقاشات حقت هل الدين هو الحل ولا لا ، الدين عمومآ ما مشكلة البلد دي أصلآ ولا سبب المشاكل ولا عمره هيكون سبب مشاكل فالدين ما حل وما مسعف لو أنت إقتصاديآ فاشل وإداريآ فاشل فالدين في الأول والآخر عامل ثانوي نجاحه يترتب على نجاحات أولية مسبقة على تنفيذه
((4)) وللمنددين بالدين للفترة المقبلة :- الدين ما ليهو أي لازمة لو أنت فاشل إقتصاديآ وإداريآ وسياسيآ فالدين دة ما كتاب سياسة أصلآ ولا كتاب أحكام سياسية ولا شرعه براهو هيحقق النهضة لو أنت غير ملم بأمور الحكم ومستجدات العصر فمفروض همنا الفترة المقبلة يكون في الأصلح رئاسيآ ما دينيآ
((5)) أنا كهاشم شايف إنه وظيفة الحكومات ما تدخل الناس الجنة ولا تحميهم من النار وظيفة الحكومات المفترض تكون توفير حياة كريمة وعادلة أما حتة الجنة والنار دي المواطن بينه وبين ربه كفيل بيها ففي النهاية ربنا هيحاسب الفرد الأذنب ما هيحاسب حكومته الأتاحت ليهو الفواحش يذنب
((6)) مبدأيآ مطلب فصل الدين عن الدولة بعلمانية 100% دي حاجة مستحيلة في مناخ السودان وبيئته ، فالسودان دولة بتحكم إجتماعيته زي ما بيقوله في القانون ((أعراف)) وعادات وتقاليد وأنساق تاريخية وأي خروج منها = خروج عن النص فما منطقي نشوف بارات ف أركويت وبنات لابسة Bikini وماف زول بسألهم
((7)) والدين عمره ما كان المعضلة المسببة الفشل للسودان أكتر من إنه أمور الحكم والإدارة في السودان كانت فاشلة في حد ذاتها ودة المسبب الرئيسي لسوء الأحوال والكوارث السابقة فكانوا إداريآ فاشلين وبيستخبوا ويبرروا الفشل بستارة الدين فالدين كان ما عامل نهضة ((لأ)) كان عامل تبرير للفشل
((8)) فكل ما كانوا بيفشلوا كانوا كانت تكثر أحاديث الخروج عن الحاكم وإستباحة المناصب ليهم ، ثم إن الدين وحده ليس كافي لنهضة الأمم ، الدين يحتاج للعلم بجانبه وكل الأمم النهضت بالدين كانت أمم عندها وعي وعلم وبحثت عن العلم قبل ما تبحث عن الدين فنهضت وأكبر دليل الغرب ..
((9)) أخيرآ تواجد الدين تواجد حتمي ومطلوب وحتى لو ما تواجد على سبيل الشرع والأحكام ومقاليد الحكم فهو تواجد مطلوب على مستوى الوازع الأخلاقي والضمير المهني للحكومات الجاية ومطلوب يكون في ضمائرهم فياما شفنا مجتمعات ملحدة نهضت عشان تواجد في فطرتهم الإسلام قبل ما يتواجد في إنتمائاتهم
Loading suggestions...