((1)) ((ثريد)) مثير للإهتمام بعنوان (( صناعة الخيال)) ♥ .. هذا الثريد يأخذك ليرميك بين أحضان ((سمة سيكولوجية )) محصورة فقط على أصحاب المواهب والفنانين والمبتكرين ♥ سمة إن تمكنت من ممارستها ربحت بها سرعة البديهة والإبتكار والتصرف في المواقف الصعبة وتطوير الذت.
((2)) بإختصار شديد في علم النفس لما جوا يحللوا أكثر ((الإنفعالات والأحاسيس وبؤر الشعور النفسية الساهمت في صناع التاريخ والحضارة والواقع كمان )) لقينا إنه ((الخيال)) بلا شك يفوز بالمرتبة الأولى بل دة أكثر ((محرك عقلي وشعور )) فاد البشرية وقدم الخدمة للإنسانية
((3)) ودة لإنه ببساطة كدة لو جيت فكرت في الواقع الحالي الأنت عايشه في الزمن الحالي هتلاقي إنه كله مقتبس من خيال ناس فكرت فيهو زمان بخيالها ? بالضبط كدة زي عباس بن فرناس الأتخيل الطيران في عصر أصلآ الإنسان كان فيهو بيزحف ? وبسبب خياله وتفكيره تم إختراع الطيران في عصرنا الحالي
((4)) كتير جدآ من الإسهامات البشرية والإختراعات الحضارية ما هي إلا نتاج لخيالات ناس ، بل بالعكس إحنا حاليآ عايشين بنحقق في خيالات ناس وعايشين وفقآ لخيالهم ،ف أي إختراع من الأنت مستمتع بيهو حاليآ كان مجرد فكرة وخيال لي عالم ما أو منظومة ما في زمن بعيد جدآ زي الطيران والتلفون وإلخ
(5)ودة يوريك قدر شنو إنه صناعة الخيال مربحة جدآ وبتترجم بالواقع وإنه واقع الإنسان مربوط بقدرته على التخيل فعشان كدة مؤسسات زي Google و Youtube بقوا يستغلوا القدرة النفسية الهائلة دي وبنلاقيهم دايمآ بيهيئوا أجواء لموظفنهم ومكاتب تحسهم على الخيال لدرجة اليوتيوب مقتبس من خيال موظف
((6)) أعظم ميزة في(الخيال)إنه ممكن تستغله(يصمم مستقبلك) ودة عن طريق حاجة بيشجع عليها علم النفس إسمها (التحضير الذهني)والتحضير الذهني دة يعني تخصص وقت ما في يومك وتقعد تختار موقف من البيضايقوك طوالي او موقف ما بتعرف تتصرف فيهو وتختو قدامك وتقعد بخيالك تشكل ردود أفعالك العاوزها
((7)) ولما تختار ردود أفعالك من خيال بتناسبك دة هيخليك أكثر عرضة إنك تتصرف فيها بثبات و((بسرعة بديهة)) لما تحصليك تاني ودة لأنك ((حضرت للموقف في ذهنك ومذاكره)) بمعنى إنك((خلاص مذاكر هتسوي شنو وعندك خلفية وأصبح عندك إستعداد نفسي ودة لأنه السيناريو دة أنت خلاص ذاكرت هتتصرف فيهو كيف
((8)) لدرجة في الرياضات زي كرة القدم والسلة .. المدربين بيوصوا لاعبيهم قبل المباريات المهمة بضرورة التحضير الذهني ، بيقولوا ليهم أمشوا البيت وتخيلوا مواقف مختلفة هتتعرضوا ليها بكرة في الملعب وبخيالكم وخبرتكم أختاروا الأصلح للمواقف دي وبكرة على أرضية الملعب نفذوه
((9))الحاجة دي ممكن تظهر((سخيفة بالنسبة ليك)) لكنها في أرضية الملعب بتخلي اللاعبين عندهم عرضة للتصرف أحسن وبيخليهم متحضرين ذهنيآ وأسرع من خصومهم ودة لأنه شافوا المستقبل قبلهم وأختاروا ردود أفعالهم كمان ودة خلى شركات كتيرة جدآ بقت تتاجر في virtual reality وال Games البتشبه الواقع
((10))ودة عشان يخلقوا ليك عالم واقعي مشابه لواقعك تقدر تستنزف فيهو خيالك وتكون فيهو قرارات براحتك عشان تتجهز لواقعك الأحسن وتعرف تتصرف لما واقعك دة يجي وتكون جاهز ففي ناس بتعرف تستخدم الأسلحة عشان أتعلمتها في الألعاب الإلكترونية وذاكرتها بخيالها هناك فبقت عرضة للجاهزية والاستعداد
((11)) المهم في مقولة بتقول Your insecurities have too much of an
imagination be careful with that
ودة لأنه في ناس بتعمل التحضير الذهني دة بطريقة سالبة وبيأثر عليهم في الواقع كمان، فبيقعدوا يتخيلوا نفسهم في مواقف سيئة ومحرجة ومحزنة وانهم هيفشلوا وهيسقطوا وة بيعرضهم للخوف وتوتر
imagination be careful with that
ودة لأنه في ناس بتعمل التحضير الذهني دة بطريقة سالبة وبيأثر عليهم في الواقع كمان، فبيقعدوا يتخيلوا نفسهم في مواقف سيئة ومحرجة ومحزنة وانهم هيفشلوا وهيسقطوا وة بيعرضهم للخوف وتوتر
((12)) أخيرآ :- حاول تشكل واقعك في خيالك وتختار ردود أفعالك وتصرفاتك الأنت شايف نفسك عليها والشايف إنك مفروض تتصرفها او النفسك تتصرفها ♥ عشان لما يجي الواقع يلقاك واثق وجاهز وعندك خطة محسوبة وعارف هتسوي شنو ودة لأنك عشت الحاضر مرتين ♥ مرة في خيالك كبطل ومرة في واقعك كبطل
Loading suggestions...