((1)) ((ثريد)) ((مهم جدآ)) فكرت كتير جدآ قبل ما أنزلو الحقيقة لأنه ما عارف هل الناس ممكن تاخد الموضوع دة بالجد ولا لأ لكنه يستاهل ((إنتباهة)) لأنه خطير ⛔،الفترة الفاتت أنتشرت جملة كدة بقت هينة ولينة في ساحات التايم لاين وستوريهات الواتس وهزارنا الساذج واللذج جملة (ما حتتجازف)
((2))قبل ما نناقش الموضوع سيكولوجيآ وفلسفيآ مبدأيآ خلينا نكون متفقين على قاعدة قبل ما تكون دينية فهي دنيوية جدآ " الصحابة وأهل الأثر زمان كان منتشرة بينهم جملة واعية وتحذيرية جدآ بتقول في عنوانها إنه
(البلاء موكل بالنطق)بمعنى إنه إي حاجة بتهزر بيها وتتكلم بيها ممكن تسوق ليك بلاء
(البلاء موكل بالنطق)بمعنى إنه إي حاجة بتهزر بيها وتتكلم بيها ممكن تسوق ليك بلاء
((3)) والإسلام كدين عمومآ بيعودك دايمآ على إختيار ألفاظك وإنك تبشر بالخير بل والإسلام بيأمر بتهذيب النفس والإمتناع عن النوع دة من الحديث أو الهزار لأنه قبل ما بيحمل سوء ظن بالله وقلة أدب فهو بيملئ النفس بالتشاؤم وهنا عمر بن الخطاب رأى رجلآ يتمايل ويتمتم بمثل هذة الكلمات فما كان
((4)) إلا أن لكزه وقال له يا رجل أعزك الله بالإسلام ، وحقيقآ كدة ما ينفع ربنا سبحانه وتعالي في حديثه القدسي العظيم يقول ((انا عند حسن ظن عبدي بي)) وينزل عشرات الآيات في كتابه عن حسن الظن بالله والتوكيل والتوكل وأنت بيجاي بتختار تنزل تويتة بعنوان ((ما هتتجازف)) وربنا فوق شايفها ?
((5))علم النفس مثلآ دايمآ بيناشد إنه الإنسان يتبنى القناعات الهتخدم عقله الباطن وتبعد عنه السلبية حتى لو القناعات دي خرافات ، بمعنى إنه لو حصلت ليك مشكلة وصبرت نفسك بخرافات وكذبت وصدقت ليك حلم خرافي هلامي دة أحسن لسلامتك النفسيك من إنك تاخد الطريق السوداوي حق جملة (ما هتتجازف)
((6))محتاجين نناشد الناس إنه يا جماعة إحنا في أشد الحوجة للإيجابية ربنا سبحانه وتعالى قال ((وخلق الإنسان ضعيفا)) وفي آيه أخرى ((لقد خلقنا الإنسان في كبد)) الحياة طابعها أصلآ سودواي ودي حقيقة عامة لكنها بتحلى بالصبر واليقين وحسن الظن ، لدرجة يقال ((إنتطار الفرج عبادة))
((7)) ربنا سبحانه وتعالى ربط عونه بالصبر الجميل((فصبرآ جميلآ ولله المستعان)) والصبر الجميل في التفسير يعني الصبر الما فيهو نحيب ولا شكي حال ولا الجمل من قبيل (ما هتتجازف)فكيف تكون محتاج عونه وتمشي تفرط في دة وتضيعوا بتويتة ما ليها لازمة فولله لو غردت ب آيه عن الفرج لعجلت بها رزقك
((8)) الرسول عليه الصلاة والسلام والصحابة والأنبياء مروا بمواقف فعليآ وحرفيآ كانوا أولى ينطقوا فيها بما هتتجازف لكن أحدهم أختار أن يسبح داخل بطن حوت وآخر قال (إن معي ربي سيهدين) واثنان في الغار محاصران يقول أحدهما ((لا تحزن إن الله معنا)) لكن أنت لو عاوز تقضيها Sarcasm أنت حر
((9)) أخيرآ ، الرزق والفرج أمور حساسة جدآ وتحتاج لعبادات ظنية وفعلية وقلبية عشان تجيك وتفاصيل صغيرة الصغيرة لكنها بتتحكم في مصيرك فأحسنوا الظن بالله وتمسكوا بالأمل فمهما كان مشكلتك ومرادك ربنا مالك الملك عنده خزائن الدنيا والعالمين وأنت بتصرفاتك وأفعالك في يدك تسوق قدرك ❤
Loading suggestions...