من غير العادة اليوم ده ما كنت بايت في
#القيادة رجعته صباح الاحد الساعه ٨ص عشان عندي أمانه في المطار استلمها وأتأخرة لي الساعه ٣م ووصلته البيت قبل أذان المغرب بي ١٠ دقايق فطرته صلية نمته صحية صلية التراويح بعده ذي الساعة ٢ص جاتني مكالمة من أخوي @OsamaBatal92
#القيادة رجعته صباح الاحد الساعه ٨ص عشان عندي أمانه في المطار استلمها وأتأخرة لي الساعه ٣م ووصلته البيت قبل أذان المغرب بي ١٠ دقايق فطرته صلية نمته صحية صلية التراويح بعده ذي الساعة ٢ص جاتني مكالمة من أخوي @OsamaBatal92
إنو الناس في النت كاتبه في أحتمال ل #فض_الأعتصام قلته خلاص بجيك ونمشي رغم اني ماكنته متوقع الكلام بس عشان لو حصل ماينكتب علي وانا برا، اتسحرنا في الطريق وصلنا الترس من جهة الشرطة الوضع ماكان عادي التفتيش ذيادة الناس حركتها غريبة والهتاف الي كان منتشر (جهز عديل كفنك يا أنت ياوطنك)
بعد دخلنا القيادة قلنا نمشي خيمتنا (أبناء النوبة) اشوف الشباب لقيتها شبه فاضيه والقاعدين مابعرفهم طلعنا لشارع النيل أسامة فتح #live وبدأ يصور قدمنا شارع النيل لقينا كمية من التاتشرات علي مد بصرك بقينا نترس بعده أذن الفجر ونحن بنترس فاتتنا الصلاة قلته لي اسامة ارح نمشي المسجد
مشينا صلينا وكنت إمام وأثناء الصلاة المكبرات اشتغلة تنبيه بقية اقول لشباب استغفروا واذكروا الله كتير وطلعته من المسجد ماشين علي كبري الحديد لقيناهم داخلين علينا ضربناهم ورجعناهم الشي ده اتكرر 3 مرات وبعده بدأ وابل من الرصاص والناس بقة تقع وتسعف وبنقل وبنتراجع وهم مسكوا السكة حديد
والرصاص كثيف جداً لدرجه غريبة ومع وقوع الناس بقية احس انو الشهادة قربة ضربته لي رفيق النضال @kira29237688 وقلته ليهو الشهادة وقلته ليهو خليهم يعفوا لي وهو اتخلع، بعده ضربة الكهرباء الي تحت نفق الجامعة نحن خفنا شديد واتراجعنا صوتها كان قوي وبعدين دي كهرباء واصلنا في التراج
لحد المشاة وفي ناس دخلوا جوا وقاموا طلعوهم وقفلوا الباب بعده الرصاص كتر شديد في التقاطع@OsamaBatal92 اتصاب في رجلوا واداني التلفون وقالي كمل ال #live وبعد الكلمة دي اختفي من بصري الوقت ده كنا زحمه غريبة شديد بقية ماعارف اطمن الناس عنوا ولا افتشوا ولا اعمل شنو
وبقية اصور ماسك التلفون بالضبط دقيقتين اضربته طلقه في يدي والتلفون اختفي وراح وين ما عارف ويدي كلها دم بكمية غريبة بقية مخلوع بعد شوية بقيت اترنح في المشية ماقادر اثبت وفجأة سمعته ناس بتقول مصاب بيموت اللحقوهوا والدم طالع من صدري ذي النافورة بمعني الكلمة بقية افكر
انها دي اخر دقايقي وخلاص حفارق الدنيا وبقة الدنيا طشاش وشايف مغبش وماسامع كويس وبقية اذكر الله واتشهد واقرا اي سورة انا حافظها ومابتكلم غير بالقرأن عشان روحي تطلع وانا بقرا وفجأ جا @_alhadi96 ومعاهوا ولد وبنت بتقوليهم انا دكتورة اقفلو الصدر الزول ده نزف كمية كبيرة
الزول ده قاعد يموت قالوا يجروا بي للبحرية وانا كنت متأكد ما حعيش، ابو يدخلونا البحرية بعده واحد رضا يدخلنا كان #ق_د_س بعده الناس جات كمية خرافية عايذة تخش قاموا قفلوا الباب ومافي زول دخل ووقعته انا والبنت والناس فوقي وبقوا يقولوا في زول قاعد يموت مصاب تحتكم بعد شوية قدرو يطلعوني
بعده كسروا الزجاج بتاع البوابة وشالوني ودخل معاي ذي سبعة اولاد والبنت لحد اليوم ماشفتها يارب تكوني بي خير🌹رقدوني في الزلط بين التلتوار وبقوا يستنجدوا وجا واحد من الجيش بس ماعارف رتبتوا الوقت داك كل شي مغبش عندي عاين لي وانا بقرا قرأن ذي الدمع قاليهم اللحقوا الزول ده
وقعادكم هنا ما حيفيدكم قالوا مستعدين نودي رويال بس برا الوضع صعب قالوا حنتحمل الضرب ونوصلوا نثبتوا فوقنا ونجري بيهو طلعنا من البحرية تاني تلتوار دقوهم بي السيطان شديد ونزلوني وبقوا العساكر يقولوا ليهم مش قلتوا وطنية المطلعكم شنو واحد من #ق_د_س شكلوا رتبة ومعاهوا مساعدوا
بقوا يعاينوا لي وانا راقد وبقرا قرأن في عيوني الوقت داك انا مُحافظ علي انو الروح تطلع وانا بقرا قرأن قام وقفهم من الضرب وقاليهم انا بجيب ليكم اسعاف وقاليهم شيلوهو كم متر وركبوني اسعاف عسكري وكان معاي ذي اربع شباب وواحد مصاب في الرقبة وشافع مجروح في الراس وكان بيبكي شديد
وبعده قالوا الزول ده نزف كمية خرافية وفي خلال نص ساعة عندهم نزفته فوق اللتر وقالوا محتاجين ١٠ أكياس دم الحمدلله اتسهلة وطبعاً الوقت داك اتعمل لي ال Chest Tube و الSecond Tube تقريبا اسمهم كده من غير اي بنج ضربوا لي دكتور قال ما حقدر اجي وبعده ضربوا
وعمل العملية دخلته الساعة ٩ص وفقته منها قريب العشاء الي هي كانت في الكبد وده كان سبب النزيف الكبير وفي الرئة والحجاب الحاجز ،اول مافقته هو كان قاعد جنبي وكل المستشفي منتظرا المصاب امته يفوق حتي فوت طيارتوا لي روسيا عشان عمليتي واول مافقته قالي انا طالبك اسمي وانتوا رفعتوا راسنا
وماكنت بتحرك الا ناس ال #care يحركوني ، اصعب شعور ماقادر اوصفوا ولا قادر افهموا هو اول ماختيت رجلي علي الارض وبدوا يدربوني أمشي ده لحد ما اموت ماحقدر اوصفوا ، وشعور الألم لي الشباب الي جابوهم معاي واستشهدوا كانوا ٧ وانا الوحيد العايش منهم😔
ولا الناس الي استشهدة والي اغتصبة واتعذبوا في #مجزرة_القيادة_العامة انعل ابو الحكم الي يخليني اسفك قطرة دم واحده، وكنت متألم عشان أمي وأبوي واخواني وأخواتي كلهم في الغربة وانا هنا برايه وانوا اهلي ماقادرين يصلوني لحكم انو الكباري والشوارع كلها مقفولة وماقادرين يطمنوهم 💔😔
ضربة اليد لحد اليوم بعاني منها جربوا كل العلاجات مانفعة وقالوا حلها عملية بعد ما #الكورونا تنتهي اتمنيتها تكون برا السودان بس الحمدلله علي كل شيء. (ده التقرير الطبي كامل بس مختلف في فترة ICU) ماعارف السبب 🙄
المجد والخلود لل #شهداء💔
وبأذن الله الي عندوا حق عند ربنا أبداً مابيضيع وحناخدوا كامل لانوا عند #العادل #القاضي #الحاكم #العظيم #الصمد
#أرشيف_القيادة
#مجزرة_القيادة_العامة
نحن فدائك يا وطني #السودان ✌🏼
وبأذن الله الي عندوا حق عند ربنا أبداً مابيضيع وحناخدوا كامل لانوا عند #العادل #القاضي #الحاكم #العظيم #الصمد
#أرشيف_القيادة
#مجزرة_القيادة_العامة
نحن فدائك يا وطني #السودان ✌🏼
لو سمحت رتبها ❤ @Rattibha
Loading suggestions...