(1)(ثريد) خلينا متفقين إنه الحياة مراحل وإنه الصح إنه كله مرحلة لازم يكون عندها حساباتها وتفكيرها الخاص وعلاقاتها وتحدياتها وخلينا نكون متفقين إنه كل ما بتكبر في السن لازم طرق التفكير دي تدرج للأجود والأضمن ولازم علاقاتك وحساباتك تكون أكثر جودة مما سبق
(ركز في الكلام الجاي كويس)
(ركز في الكلام الجاي كويس)
(2)ربنا سبحانه وتعالى في كتابه وذمه للكفار في القرآن هتلاحظ إنه أغلب الذم والإنتقاد الكان في حق الكفار ديل كان سببه (منهجيتهم) المنهجية نفسها بتاعتهم كان يغلب عليها(الثبات)مهما كان ربنا بيرسل فيهم آيات وعبر وبراهين وحجة كانوا بيرفضوا دة بكل شدة فكان ثباتهم على حالهم سبب إنتكاستهم
((3)) علم الإقتصاد مثلآ بكل إقتصاديته كل الغالب على نظرياته والهدف منها عنصرين 2 يا أما (زيادة) يا أما (ثبات إيجابي) وواقع الإقتصاد دايمآ وتحركاته الهدف منها دايمآ بعد مستقبلي أحسن.
(تعاملات لمستقبل أحسن / إستثمار لمستقبل أحسن /إختيارات لمستقبل أحسن )
ودة علم هدفه الأساسي الربح
(تعاملات لمستقبل أحسن / إستثمار لمستقبل أحسن /إختيارات لمستقبل أحسن )
ودة علم هدفه الأساسي الربح
((4)) فالعاوز أقوله ببساطة وبدون تعقيد ، إنك كإنسان لازم يكون في منظومتك في الحياة فكرة (التدرج) و(الإرتقاء والتصاعد) ما ينفع مثلا عمرك يكون 26 سنة وطريقة تفكيرك ما أختلفت عن عمرك وهو 20 ، ما ينفع مثلآ علاقتك بشخص وأنت عمرك 26 تكون زي علاقة 2 عمرهم 20 سنة
((5)) " العمر ما بعزقة يا شباب " وكل مرحلة مفروض يكون عندها حساباتها وتفكيرها الخاص وتعاملاتها الخاصة بيها ولازم تمثل كل مرحلة في حياتك تمثيلها اليليق بيها وبي مرحلتها وإلا الإستراتيجية بتاعتك (ضعيفة) وفي الغالب ما هتوديك للأمام
((6)) الدكتور مصطفى محمود بيقول
(مشكلتك ليست السنوات الضائعة بل السنوات القادمة لو أمضيتها بنفس تفكير وعقلية السنوات الضائعة)
فما ينفع مثلآ تكون وصلت سن ال 30 / 33 وأتت تفكيرك لسة منغمس في فكرة (الكراش والكرشنة) وفي الواقع سنك دة سن تفكير (زواج)
(مشكلتك ليست السنوات الضائعة بل السنوات القادمة لو أمضيتها بنفس تفكير وعقلية السنوات الضائعة)
فما ينفع مثلآ تكون وصلت سن ال 30 / 33 وأتت تفكيرك لسة منغمس في فكرة (الكراش والكرشنة) وفي الواقع سنك دة سن تفكير (زواج)
((7)) وقس على ذلك إنه كل عمر في الحياة وكل مرحلة سنية بتطلب تفكير معين أهداف معين فهم معين ، ما ينفع عمرك يكون 24 سنة وفهمك في الدين فهم 18 سنة ، ما ينفع يكون عمرك 25 سنة والعمر بيتدرج بيك وأنت لسة
مستعد تخوض علاقة و2 وبتجازف بي قلبك ومشاعرك عمرك بدون وعي وإحتياطات والعمر بيتقدم
مستعد تخوض علاقة و2 وبتجازف بي قلبك ومشاعرك عمرك بدون وعي وإحتياطات والعمر بيتقدم
((8)) الخلاصة والعاوز :- قبل ما تعمل أي خطوة او تتخذ أي قرار شوف أولآ ، هل أصلآ التفكير دة من شأنه يرتقي بي لي لقدام ولا تفكير وخطوة مفروض أكون أتجاوزتها أصلآ قبل مدة ، هل الخطوة دي ليها هدف مستقبلي ولا شيء بيرجعني لنقطة قعدت فيها كتير.
((9)) العاوز أقوله ، الإنسان يستثمر في نفسه ويراعي خطواته وياخد القرارات المن شأنها تنقله للأمام وللأحسن لأنه سنة الحياة تصاعدية والإنسان بدوره لازم يكبر ويكون بمثل مراحل حياته بالتمثيل الأمثل والمثالي ليها وإلا كدة حيغلب عليه ثبات الحال ونتائجه القديمة ،
Loading suggestions...