ثريد عن قسم هندسة وعلوم الحاسب في #جامعة_طيبة :-
- الفرق بين التخصصات
- حاجات ونصائح لازم تعرفوها عن الدراسة الجامعية بشكل عام
- حاجات ونصائح لازم تعرفوها عن تخصصات
كلية الحاسب
- طريقة مذاكرتي
- لابتوب ولا تابلت؟
- الفرق بين التخصصات
- حاجات ونصائح لازم تعرفوها عن الدراسة الجامعية بشكل عام
- حاجات ونصائح لازم تعرفوها عن تخصصات
كلية الحاسب
- طريقة مذاكرتي
- لابتوب ولا تابلت؟
اول شي انا طالبة مستوى ٥ يعني لسى مبتدئة زيي زيكم 😆 بس حبيت اشاركم المعلومات اللي جمعتها قبل اختار تخصصي وعن تجربتي للسنة الاولى في التخصص
في بداية مشوارك حتدرس ترم مشترك بين التخصصين المتاحين للطالبات بعدين على حسب رغبتك ومعدلك يحطوك في وحدة من التخصصات يعني كانه ترم تحضيري تاني خاص بالكلية
انا عن نفسي من صغري احب التقنية ، فاختيار الكلية بشكل عام ماكانت مشكلة او موضوع احترت فيه ، كانت كل الحيرة في اختيار التخصص في الكلية
الفرق بين التخصصات الموجودة واللي هما : نظم المعلومات وعلوم الحاسبات
١- نظم المعلومات:
التخصص دا باختصار يركز على كيف نقدر نوظف التقنية في ادارة الاعمال والشركات والمشاريع...إلخ ، عن طريقة تجميع المعلومات وتخزينها وحمايتها ومحاولة توظيفها بطريقة تخدم اهداف المؤسسة او الشركة او المشروع.
طبعا مو هادا هدف التخصص الوحيد لكنه الاساسي
التخصص دا باختصار يركز على كيف نقدر نوظف التقنية في ادارة الاعمال والشركات والمشاريع...إلخ ، عن طريقة تجميع المعلومات وتخزينها وحمايتها ومحاولة توظيفها بطريقة تخدم اهداف المؤسسة او الشركة او المشروع.
طبعا مو هادا هدف التخصص الوحيد لكنه الاساسي
وكدراسة حتلاقي في الخطة مقررات ادارية ومقررات حاسبية
وهادي الخطة الخاصة بـ #جامعة_طيبة :
وهادي الخطة الخاصة بـ #جامعة_طيبة :
التخصص دا ينفع لو كانت انجليزيتك شوية ضعيفة
لانه اغلب المقررات الادارية تكون باللغة العربية اما مقررات الحاسبية فغالباً حتكون بالانجليزي
لانه اغلب المقررات الادارية تكون باللغة العربية اما مقررات الحاسبية فغالباً حتكون بالانجليزي
الوظائف اللي ممكن يتوظفها خريج نظم المعلومات :
-محلل نظم / قواعد البيانات / نظم تجارة إلكترونية / الأمن السيبراني
-مصمم نظم
-مطور نظم/ تطبيقات
-مدير نظم قواعد البيانات / مشروع
-مهندس شبكة
-مسؤول قاعدة بيانات
-محلل نظم / قواعد البيانات / نظم تجارة إلكترونية / الأمن السيبراني
-مصمم نظم
-مطور نظم/ تطبيقات
-مدير نظم قواعد البيانات / مشروع
-مهندس شبكة
-مسؤول قاعدة بيانات
٢- علوم الحاسب :
هو تخصص اشمل واصعب من نظم المعلومات ، بحيث تدرس جميع علوم الحاسب بمعنى انك تاخد قطرة من كل محيط وبعدها تحدد مسار ادق وغالبا يكون في مرحلة الماجستير
هو تخصص اشمل واصعب من نظم المعلومات ، بحيث تدرس جميع علوم الحاسب بمعنى انك تاخد قطرة من كل محيط وبعدها تحدد مسار ادق وغالبا يكون في مرحلة الماجستير
ومن هادي المسارات:
Artificial Intelligence
Networks
Computer Architecture
Compilers
Cryptography and Security
web development
Bioinformatics
Artificial Intelligence
Networks
Computer Architecture
Compilers
Cryptography and Security
web development
Bioinformatics
الوظائف اللي ممكن يتوظفها خريج علوم الحاسب :
-مطور برامج / برمجيات
-مصمم قرافيك / مواقع
-مطور تطبيقات / وسائل متعددة / قاعدة بيانات
-مدير شبكة حاسوبية / انظمة حاسوبية / قاعدة بيانات
-مطور برامج / برمجيات
-مصمم قرافيك / مواقع
-مطور تطبيقات / وسائل متعددة / قاعدة بيانات
-مدير شبكة حاسوبية / انظمة حاسوبية / قاعدة بيانات
وكدراسة حتلاحظ انه اكثر المقررات حاسبية وبعضها مقررات رياضيات بس بشكل عام التخصص دا يعتمد اعتماد كبير على الرياضيات ، الخطة الخاصة ب #جامعة_طيبة :
هنا جدول يوضحلك نسبة تركيز بعض المواد في التخصصات -الـ١٠٠ يعني تركيز عالي-
#انفوقرافيك يوضحلكم الفرق اكثر
حاجات ونصائح عامة لازم تعرفوها عن الدراسة الجامعية
١- اكبر غلط ممكن تسويه كطالب جامعي بشكل عام هو انك تراكم محاضراتك وماتذاكرهم او تفهمهم الا قبل الاختبار بكم يوم ، وانك تراكم الواجبات والمشاريع وتسيبها لاخر يوم قبل موعد التسليم
٢- حاول ماتعتمد على شرح الدكتور بس ، ابحث عن شروحات في اليوتيوب ، اقرأ كتب ومقالات تخص الموضوع وحاول تتعمق فيه
٣- اتجنب الحفظ تماماً ، وحاول تفهم الافكار الرئيسية لانه شبه مستحيل يجيك شي في الاختبار نسخ لصق من السلايدات
٣- اتجنب الحفظ تماماً ، وحاول تفهم الافكار الرئيسية لانه شبه مستحيل يجيك شي في الاختبار نسخ لصق من السلايدات
٤- في المقررات اللي فيها جانب تطبيقي او عملي ، زي مادة البرمجة مثلا ، لازم تعود يدك وتطبق كل فكرة جديدة تاخدها في المحاضرة وتمارس بشكل مستمر
٥- لا تعتمد على تقييم الطلاب الباقيين للدكاترة لانه ممكن يكون هو طالب سيء والدكتور كويس ، وممكن يكون مستوى فهم واستيعاب الطالب يختلف عنك فممكن تستشير اللي قبلك لكن لا تأخذ كلامه على انه مُسَلّم ففي النهاية كلامه مجرد رأيه وتجربته الشخصية
٦- لا يكون هدفك من الجامعة انك تحصّل اعلى درجات ، خلي هدفك يكون تحصيل اكبر قدر من الفهم والمعرفة اما الدرجات فحيكون ناتج جانبي له
٧- خليك حريص على انك تحضر كل المحاضرات ولا تغيب الا في الحالات الضرورية ، لانه السلايدات تكون مجرد رؤوس اقلام او معلومات قليلة والدكتور يشرح باسهاب اكثر وممكن يتناقش في مواضيع مهمة تخص الاختبار
٨- لازم تعرفوا انه الدكتور مهما كان شديد فهو موجود عشانكم فلا تترددوا انكم تسألوه وتستشيروه واسالوه اكثر من مرة اذا مافهمتوا واذا كنتو تستحوا تسالوا قدام الطلاب الباقيين فروحوا له وقت ساعاته المكتبية
٩- اكتر شي يكرهوه الطلاب هو الاختبارات القصيرة "الكويز" بس انا لاحظت انه المقرر اللي تكثر فيه الكويزات هو المقرر الي تكون درجاتي فيه عالية لانه الكويزات تفيدك بانها تجبرك تذاكر اول باول و تعطيك فكرة عن طريقة الاسئلة اللي ممكن تجي في الاختبار
١٠- لا تتجاهل المواد العامة لانها مملة ، لانها حتفيدك جداً سواء كان في دراستك او في وظيفتك وخصوصاً مواد اللغة الانقليزية
١١- حاول تشارك في النوادي الموجودة في الجامعة وفي الدورات والبرامج اللي تقدمها الجامعة لانها بتفيدك وبتزيد من الخبرات اللي تحتاجها عشان تتوظف
١١- حاول تشارك في النوادي الموجودة في الجامعة وفي الدورات والبرامج اللي تقدمها الجامعة لانها بتفيدك وبتزيد من الخبرات اللي تحتاجها عشان تتوظف
حاجات ونصائح لازم يعرفوها عن #التخصص
١- تخصصات الحاسب تعتمد على الرياضيات والاحتمالات والمنطق بشكل كبير جدا ، فلازم يكون عندك سرعة بديهة و مهارة التفكير المنطقي واساسيات الرياضيات تكون قوية
٢- عالم التقنية عالم واسع جدا ومهما تحس نفسك فاهم كل شي حتكتشف انك مافهمت الا قطرة وحدة بس
٣- الشهادة الجامعية ماتكفي ، لازم تشتغل على نفسك ومهاراتك وتطورها لانه سواء كنت تبغى تكون موظف في شركة او تكون مستقل فالشهادة مارح تفيدك قد خبرتك ومهارتك
٤- عالم التقنية عالم متجدد ، كل يوم فيه تقنيات جديدة ، ابحاث جديدة ، اجهزة جديدة ، انظمة جديدة فلابد انه يكون عندك حب استطلاع ومتابعة الجديد اول باول ولا قيمتك في عالم التقنية حتقل وممكن خبراتك تكون قديمة وماتحتاجها في سوق العمل
٥- حاول تبذل مجهود كبير على مشاريعك وخصوصا مشروع تخرجك لانه هو بيكون كدعاية وتسويق لك وممكن يكون هو سبب في توظيفك او المشروع بحد ذاته ممكن يكون مصدر دخل لك في المستقبل
٦- المقررات في الجامعة تعطيك الاساسيات فقط وبعدها انت تبحر عن طريق الكتب والدورات والممارسة
طريقتي في المذاكرة
قبل المحاضرة :-
- اقرا الجزئية واحدد الجزئيات اللي استصعبتها واحاول اركز عليها وقت المحاضرة
- اجهز اسئلتي عشان وقت المحاضرة اسأل الدكتورة
- اقرا الجزئية واحدد الجزئيات اللي استصعبتها واحاول اركز عليها وقت المحاضرة
- اجهز اسئلتي عشان وقت المحاضرة اسأل الدكتورة
بعد المحاضرة :-
- في نفس اليوم اراجع الجزئية والخصها في ورق خارجي واذا كان فيه تطبيق اطبقه واذا كان في مساءل احاول احلها
- احل واجباتي اول باول ، هادا يساعدني اني اثبت المعلومة اكثر ويساعدني اني ما اراكم الواجبات
- في نفس اليوم اراجع الجزئية والخصها في ورق خارجي واذا كان فيه تطبيق اطبقه واذا كان في مساءل احاول احلها
- احل واجباتي اول باول ، هادا يساعدني اني اثبت المعلومة اكثر ويساعدني اني ما اراكم الواجبات
نهاية الاسبوع :-
- احدد يوم واراجع كل اللي اخدته خلال الاسبوع
- اخطط للاسبوع الجديد
بعض الجداول اللي تساعدك في التخطيط للاسبوع الجديد
- احدد يوم واراجع كل اللي اخدته خلال الاسبوع
- اخطط للاسبوع الجديد
بعض الجداول اللي تساعدك في التخطيط للاسبوع الجديد
الاختبارات :
- اغلب الدكاترة يعطوكم مواعيد للاختبارات كلها خلال الترم وهادا شي كويس لانه يساعدكم انكم تحطوا جدول واضح وتقسموا المنهج تقسيم كويس ويسهل عليكم المذاكرة
- عن نفسي اشوف افضل جدول للدراسة هو انك تحط ٣ ايام للفهم وليلة الاختبار تكون للمراجعة وقراءة التجميعات فقط
- اغلب الدكاترة يعطوكم مواعيد للاختبارات كلها خلال الترم وهادا شي كويس لانه يساعدكم انكم تحطوا جدول واضح وتقسموا المنهج تقسيم كويس ويسهل عليكم المذاكرة
- عن نفسي اشوف افضل جدول للدراسة هو انك تحط ٣ ايام للفهم وليلة الاختبار تكون للمراجعة وقراءة التجميعات فقط
تابلت ولا لابتوب ؟
بغض النظر عن التخصص اللي تختاره فانا اعتقد انك كطالب جامعي تحتاج لابتوب لانه كثير دكاترة يطالبوا بعمل مشاريع وعروض وابحاث...إلخ
اما كطالب حاسب فضروري جدا يكون عندك لابتوب لانه في بعض المواد تحتاج برامج معينه صعب تتحمل على التابلت او انه البرنامج يكون اسهل وعملي اكثر في اللابتوب
اما كطالب حاسب فضروري جدا يكون عندك لابتوب لانه في بعض المواد تحتاج برامج معينه صعب تتحمل على التابلت او انه البرنامج يكون اسهل وعملي اكثر في اللابتوب
واهم المواصفات اللي لازم تركز عليها لما تشتري اللابتوب هو نوع وسرعة المعالج لانه البرامج اغلبها تكون كبيرة وتقيلة فلازم لها معالج سريع وانا افضل يكون نوع المعالج i7 وسرعته ٢.٤٠ او اكثر
وهنا تويته مفصلة عن موضوع اللابتوبات
وهنا تويته مفصلة عن موضوع اللابتوبات
اما التابلت فهو مفيد جدا لانه تقدر تفتح منه السلايدات بدل ما تطبعها وبكدا تكون وفرت فلوس الطباعة ووفرت على نفسك مجهود انك تشيل الملازم معاك ، وكمان مفيدة في المذاكرة لكثرة البرامج اللي تساعدك في تسهيل وترتيب المعلومات
-ان شاءلله في #ثريد تاني انزلكم بعض #التطبيقات المفيدة-
-ان شاءلله في #ثريد تاني انزلكم بعض #التطبيقات المفيدة-
في النهاية حابة اقولكم انه #الحاسب تخصص جميل جداً وله مستقبل قوي جدا ويتماشى مع #رؤية_2030 وكمان تقدر تبدع فيه وبس يحتاج له صبر ونفس طويل
وارجع اذكركم انه الثريد عبارة عن #تجربة_شخصية فالـ #ثريد يحتمل الصح ويحتمل الخطأ فانتو ابحثوا في الموضوع اكتر
Loading suggestions...