Women's Rights
Social Issues
Gender Studies
Sexual Harassment
Gender Equality
International Women's Day
التحرش الجنسي و ملابس النساء: نظرة أوسع
#اليوم_العالمي_للمرأة
#InternationalWomensDay
قبل القراءة:
- الثريد وحدة واحدة لا يُحكم
على تغريداته بشكل منفرد
- الثريد لا يعمم، الكلام ينطبق
على من ينطبق عليه
- الثريد لا يناقش المسألة من
منظور ديني/أخلاقي
- الثريد لا يناقش الحريات
١/٨٢
#اليوم_العالمي_للمرأة
#InternationalWomensDay
قبل القراءة:
- الثريد وحدة واحدة لا يُحكم
على تغريداته بشكل منفرد
- الثريد لا يعمم، الكلام ينطبق
على من ينطبق عليه
- الثريد لا يناقش المسألة من
منظور ديني/أخلاقي
- الثريد لا يناقش الحريات
١/٨٢
لما ظهرت شهادات الاعتداءات الجنسية السنة اللي فاتت أو #MeToo المصرية، حصل الجدل المعتاد حول أسباب المشكلة.. الملابس، لأ مش الملابس، المد الوهابي، لأ الانفتاح الغربي، المشكلة عندنا، لأ المشكلة عالمية. و الحقيقة إن كل وجهات النظر تحمل قدر من المنطق، لكن ازاي؟ هنا محاولة للإجابة..
٢
٢
في ٢٠١١ و بعد حادثة اغتصاب في كندا، أحد الضباط قال: "لو الستات مش عاوزين يتعرضوا للاغتصاب يبقى مايلبسوش زي العاهرات". من ساعتها و لغاية دلوقتي اتعملت حوالي ٧٥ مظاهرة في حوالي ٢٠ مدينة حول العالم تحت مسمى "مسيرات العاهرات" لرفض مفهوم لوم الضحية و إن ملابس المرأة لا سبب ولا مبرر.
٣
٣
في بريطانيا، ٥٥٪ من الرجال و ٤١٪ من النساء شايفين إن الملابس الكاشفة بتشجع التحرش! البرازيليين ٥٨٪ منهم شايفين إن اللي تلبس ضيق تستاهل اللي يجرالها! في سنغافورة، ٤٥٪ من الرجال و النساء شايفين إن اللي تلبس بشكل مثير مش من حقها تعترض على تعليقات الرجال! و الشرق الأوسط نفس الفكرة.
٤
٤
في إحدى الدراسات، جابوا مجموعتين من طلاب الجامعة و خلوهم يقروا خبر عن جريمة اغتصاب و حطوا صورة الضحية مرة بالملابس الداخلية و مرة بوشها بس. المجموعة اللي قرت الخبر بصورة الملابس الداخلية حطوا لوم أقل على الجاني مقارنة بالمجموعة اللي قرت الخبر بالصورة التانية!
يا ترى إيه السبب؟!
٥
يا ترى إيه السبب؟!
٥
لوم الضحية للأسف سلوك بشري شائع، له أسباب و تفسيرات يطول شرحها و أعتقد أغلبنا بيمارسه بشكل أو آخر و كتير من غير ما ناخد بالنا! في ناس هنا بترفض لوم ضحايا التحرش/الاغتصاب و حساباتهم مليانة لوم لضحايا في مواضيع تانية.
لكن لو سلمنا (جدلا) بالسلوك ده، هل منطقي إن الملابس تكون سبب؟!
٦
لكن لو سلمنا (جدلا) بالسلوك ده، هل منطقي إن الملابس تكون سبب؟!
٦
في بعض الولايات في أمريكا كان (أو مازال) بيتم تقديم ملابس ضحايا الاعتداءات الجنسية في المحكمة كمحاولة لإثبات رضا الضحية الضمني على هذه الممارسة! اتعمل بحث لإثبات عدم عدالة الفعل ده لأنه أولاً، مانقدرش نثبت نية الضحية من ورا ارتداء اللبس ده. ثانياً، إن تفسيره بيختلف من شخص لآخر.
٧
٧
ثالثاً، إن الرسالة اللي ممكن توصل من خلال الملابس هي رسالة جامدة على عكس الرسالة اللي بتوصل بالكلام. يعنى لو الضحية وافقت بالكلام أو (أسيء فهمها) هتقدر تغير/توضح رأيها بالكلام، لكن لو هنعتمد على الملابس لاستنتاج موافقتها، هنعرف منين لو كانت غيرت رأيها أو لو ماكانتش موافقة أصلا!
٨
٨
كمان البحث استشهد بأكتر من دراسة اجتماعية بتثبت إن الغالبية (رجالة و ستات و حتى القضاة نفسهم) بيربطوا بين ملابس المرأة و بين الاعتداءات الجنسية بشكل أو آخر. بالتالي قبول المحكمة لملابس الضحية كأحد الأدلة هو انحياز منها لوجهة نظر مسبقة من المجتمع، و الانحياز ينافي مفهوم العدالة!
٩
٩
لكن هل في علاقة فعلا بين بعض الملابس و بين الجنس؟
سألوا مجموعة من المراهقين ولاد و بنات إذا كان لبعض الملابس دلالات جنسية، و الإجابة كانت إن ملابس زي البلوزات الشفافة و الجينز الضيق و ال low-cut tops ممكن يكون ليهم دلالات جنسية، لكن الولاد كانوا أكتر ثقة في إجاباتهم من البنات.
١٠
سألوا مجموعة من المراهقين ولاد و بنات إذا كان لبعض الملابس دلالات جنسية، و الإجابة كانت إن ملابس زي البلوزات الشفافة و الجينز الضيق و ال low-cut tops ممكن يكون ليهم دلالات جنسية، لكن الولاد كانوا أكتر ثقة في إجاباتهم من البنات.
١٠
في دراسة أخرى جابوا صورتين لنفس المرأة، مرة بلبس مثير و مرة بلبس محتشم و سألوا عينة الدراسة عن انطباعاتهم عن كل صورة. الانطباعات اختلفت من صورة للتانية، مش بس بخصوص درجة الجاذبية/الإثارة، كمان بخصوص حاجات زي النشاط الجنسي و استخدام الجنس لتحقيق الأهداف و مدى الإخلاص في الزواج!
١١
١١
الحقيقة الملابس وسيلة قوية جدا للتواصل، أغلب انطباعاتنا الأولى (و يمكن الدائمة) الملابس بتلعب دور كبير فيها. في بنات بترفض عرسان بسبب لبسهم و شباب بيرفض يرتبط ببنات علشان لبسها. لبسك ممكن يأثر على حظوظك في الحصول على وظيفة ما، و لبسك بدرجة أو أخرى بيأثر على احترام الغرباء ليك.
١٢
١٢
كتير بندخل محل أو سوبر ماركت و نسأل حد هناك عن حاجة معينة و نتفاجىء إنه مابيشتغلش في المكان ده أصلا! ده مثال بسيط عن ازاي إحنا مش بس بنستسهل الحكم على الآخرين من لبسهم، إحنا كمان بنتصرف على أساس الحكم ده اللي غالباً من غير دليل! لو مدّينا الخط لغاية آخره أظن عارفين هنوصل لإيه!
١٣
١٣
مجموعة صور لريتا أورا و لتشارلز ميلتون، نقدر نشوف الفرق في الانطباعات من لبس للتاني، لكن الفروقات عند ريتا (المرأة عامة) أكبر بسبب تنوع الملابس و كمان الميك أب. و إذا في لبس ليها ممكن يُختلف على تفسيره زي اللي تحت في النص، في لبس صعب الاختلاف على تفسيره زي اللي فوق على اليمين.
١٤
١٤
لكن ليه في تنوع أكبر في ملابس المرأة عن الرجل؟ ليه الرجل استجابته أضعف للأزياء المختلفة أو الغير تقليدية على عكس المرأة؟ ليه المتبع في مناسبات و فعاليات كتيرة إن المرأة تلبس بطريقة تبين جسمها أكتر من الرجل؟ هل المرأة بتحب تلبس بالطريقة دي ولا المرأة بتمشي ورا الموضة أياً كانت؟
١٥
١٥
رئيس دولة سابق و سيدة أولى سابقة صعب يحطوا صور على السوشيال ميديا بشكل اعتباطي، فإيه ممكن تكون الرسالة المقصودة من الصورة؟ ال women empowerment مثلاً؟ مش متأكد. لكن لو تخيلنا الصورة بالعكس و باراك رجله كلها باينة و ميشيل ببنطلون، هل كنا هنتقبل الصورة؟ هل كانت هتمر مرور الكرام؟
١٦
١٦
عمرو أديب كان مستضيف ناهد السباعي و سألها سؤال (بحسب كلامه) عمره ما سأله لست قبل كده، ليه المرأة بتحب تبين رجلها؟ ناهد: المرأة بطبيعتها بتحب تعمل ده خصوصاً لو حلوة. هل دي إجابة؟ بصراحة السؤال صعب، البعض شايف إن الإجابة محتاجة تغطي أربع جوانب: تاريخي و اجتماعي و بيولوجي و نفسي!
١٧
١٧
في نظرية اسمها التشييء الجنسي Sexual Objectification ممكن نلاقي فيها إجابة لسؤال ليه المرأة بتلبس بالطريقة دي. التشييء الجنسي هو نظرة المجتمع للمرأة على إنها مجرد أداة للجنس! في أسباب أساسية للنظرة دي زي الأدوار التقليدية للجنسين، و أسباب ثانوية زي المنافسة بين النساء و بعضهن.
١٨
١٨
الدور التقليدي للرجل هو توفير متطلبات الحياة و للمرأة المهام المنزلية. التقسيمة دي خلت المرأة محتاجة للرجل أكتر ما هو محتاجلها. لما نضيف للمشهد شهوة الرجل الكبيرة تجاه المرأة و رغبته في استمرار نسله، هنلاقي (بعيدا عن المشاعر) معادلة تقليدية تتلخص في إن الرجل فلوس و المرأة جسد!
١٩
١٩
في الزواج التقليدي (بعيد عن صفات مشتركة زي الأخلاق) هنلاقي إن العريس اللقطة هو الغني و العروسة اللقطة هي الجميلة. كلمات زي الشرف و العفة هنلاقيهم مرتبطين أكتر عند الرجل بالذمة المالية و عند المرأة بالجسد! حتى الأمثال الشعبية: "الكسوف في الراجل يجيب الفقر و في الست يجيب العار"!
٢٠
٢٠
بتعزز النظرة دي للمرأة الميديا بكل أنواعها، أفلام مسلسلات أغاني إعلانات، سواء اللي مبنية على مفهوم الأدوار التقليدية للرجل و المرأة، أو اللي بتستخدم جسد المرأة بشكل مباشر للإثارة و الترويج. كمان المحتوى الكبير الخاص بجمال المرأة سواء على التلفزيون أو الإنترنت بيعزز نفس النظرة!
٢١
٢١
تقليدياً، الرجل هو اللي بياخد الخطوة تجاه المرأة للارتباط، المرأة بالتبعية بتلجأ للفت نظر الرجل بمظهرها و ده بيخلق منافسة بين الستات و بعضها (IntrAsexual Competition) للظهور بأفضل شكل ممكن. حتى بعد الارتباط، المرأة بتستمر في نفس المنافسة لكن علشان تحافظ على شريكها من الأخريات!
٢٢
٢٢
المرأة بالتبعية بتبدأ تنظُر لنفسها على إنها مجرد أداة للجنس فيما يعرف بال Self-sexual Objectification و بتبدأ تقيم نفسها على هذا الأساس، كل ما تكون مثيرة أكتر كل ما تشعر بقيمتها كأنثى أكتر، و بالتالي تبالغ في الاهتمام بجسمها و بمظهرها. و ده ممكن يقدم تفسير لطبيعة ملابس المرأة.
٢٣
٢٣
مش بس الملابس المثيرة sexually objectifying، المكياچ التقيل يعتبر تشييء جنسي و كمان بعض عمليات التجميل. أما الأكثر تشييئاً فهي الإيحاءات الجنسية سواء كانت وقفة / نظرة / طريقة كلام لأن الرسالة بتكون صريحة حتى لو كانت الملابس عادية. ال suggestive selfies على السوشيال ميديا مثال.
٢٤
٢٤
كمقدمات و نتائج، الرجل بيفسر المظهر ده بشكل جنسي، منهم اللي بيعتبره دعوة من المرأة للرجل و بيستخدمه كمبرر للتحرش و سبق و أثبتنا عدم منطقية المبرر ده، لكن في مبرر تاني آخرين بيستخدموه و هو إن المرأة اختارت إنها تظهر بشكل مثير لكن الرجل ماخترش إنه تتم إثارته! فهل الكلام ده علمي؟
٢٥
٢٥
الدراسات بتقول إن الرجل بيفكر في الجنس أكتر من المرأة، بيفسر الأمور بشكل جنسي أكتر، بيشاهد مواد إباحية أكتر، استجابته للإثارة البصرية أكبر من المرأة اللي الإثارة الجنسية عندها مرتبطة بالسياق، بيخلط بين الصداقة و الاهتمام الجنسي، هو كمان بيفقد جزء من تركيزه قدام المرأة المثيرة!
٢٦
٢٦
إحدى الدراسات لقت إن الرجل بيقل تركيزه في الأخبار لما تكون مذيعة النشرة مثيرة! في دراسة أخرى عملوا اختبار ذاكرة لرجالة و ستات قبل و بعد لقاءهم ببعض، الرجالة كان أدائهم أسوأ بعد مقابلة الستات، أما الستات فأدائهم ماختلفش! العلاقة كانت طردية بين نسبة التستستيرون و بين سوء الأداء!
٢٧
٢٧
هل المظهر المثير للمرأة ممكن يفقد الرجل تحكمه في نفسه؟ الإجابة لأ. في جزء في المخ خاص بتقييم المعطيات قبل القيام بأي فعل، يعني لو واحدة قاعدة لوحدها، ممكن! لو معاها راجل، ممكن أبص لكن مش هروحلها! لو الراجل ده جوزها و بطل ملاكمة، لا هروح ولا هبص! (الخمور بتعطل الجزء ده من المخ)
٢٨
٢٨
لو المرأة لبست بشكل محتشم هيختفي التحرش؟
الإجابة لأ. أفغانستان إيران السعودية فيهم تحرش.
لو بقينا أكتر تحضر هيختفي التحرش؟
الإجابة لأ. ثلثين فتيات بريطانيا بيتعرضوا للتحرش، أمريكا بتحذر مواطنيها المسافرين لأسبانيا من التحرش، أمريكا نفسها مصنفة عاشر أخطر دولة على النساء عالميا!
٢٩
الإجابة لأ. أفغانستان إيران السعودية فيهم تحرش.
لو بقينا أكتر تحضر هيختفي التحرش؟
الإجابة لأ. ثلثين فتيات بريطانيا بيتعرضوا للتحرش، أمريكا بتحذر مواطنيها المسافرين لأسبانيا من التحرش، أمريكا نفسها مصنفة عاشر أخطر دولة على النساء عالميا!
٢٩
خلونا نشوف المشهد من زاوية تانية:
بشكل مجرد، إحنا أمام ذكر أقوى جسداً و أعلى مكانة بيشتهي أنثى أضعف و أقل. و لأن البشر ماعندهمش موسم تزاوج، و لأن العلاقة الجنسية عندهم متعلقة بالمتعة بقدر (أو أكتر) ما هي متعلقة بالتكاثر، منطقي جداً بحكم قانون الغابة يحصل تحرش و اعتداءات جنسية.
٣٠
بشكل مجرد، إحنا أمام ذكر أقوى جسداً و أعلى مكانة بيشتهي أنثى أضعف و أقل. و لأن البشر ماعندهمش موسم تزاوج، و لأن العلاقة الجنسية عندهم متعلقة بالمتعة بقدر (أو أكتر) ما هي متعلقة بالتكاثر، منطقي جداً بحكم قانون الغابة يحصل تحرش و اعتداءات جنسية.
٣٠
الذكر بحكم إدراكه لنفسه بإنه الجنس الأقوى بيكره حالة الضعف اللي بتسببهاله شهوته تجاه الأنثى، فبيحاول (كرد فعل دفاعي) يتخلص من الشعور ده بإنه يحصل على هذه الأنثى برضا أو غصب، أو إنه يحصل على جزء منها بتحرش جسدي، أو يرهبها بتحرش لفظي أو نظرة تفحصية Male Gaze كنوع من بسط السيطرة.
٣١
٣١
و إذا كانت الأنثى ناجحة و شخصيتها قوية فالوضع بيكون أسوأ، لأنها مش بس بتحسس الذكر بالضعف بسبب شهوته ليها، هي كمان بتهدد مكانته الأعلى! فنلاقي قمع لحريتها و منع من حقوقها و تقليل من إنجازاتها و تشويه لسمعتها و تعنيف جسدي، حتى التحرش بيكون فيه غل كأنه انتقام لأنها استفزت رجولته!
٣٢
٣٢
وجود الذكر ده في مجتمع ذكوري بيخلي الوضع أسوأ لأنه مابيحسش إن سلوكه/فكره غلط أو غريب أو مستهجن. بيت و شارع و ميديا و بعض خطاب ديني بيعززوا شعوره بالتفوق و الاستحقاق. مجتمع غالبية نساءه ذكوريات. مجتمع لما يحب يهين الرجل يقوله يا مره و لما يحب يمدح المرأة يقولها انتي ب ١٠٠ راجل!
٣٣
٣٣
لما نضيف التشييء الجنسي للمشهد، الذكر بيبدأ يشوف الأنثى كشيء؛ أثداء و أرداف على رجلين، و اللي بدوره بيزود الطين بلة. لكن التأثير الأخطر للتشييء الجنسي هو تقليله لدرجة تعاطف المجتمع ككل مع هذه الأنثى (الشيء) بشكل عام، و بشكل خاص إذا كانت ضحية لاعتداء جنسي!
(راجع التغريدة رقم ٥)
٣٤
(راجع التغريدة رقم ٥)
٣٤
جابوا مجموعة من رجال و نساء و خلوهم يتفرجوا على لعبة جماعية بيتم فيها تجاهل إحدى المشارِكات، مرة و هي بلبس عادي و مرة بلبس مثير. لما عملوا مسح لأدمغة عينة الدراسة لقوا إن نشاط الجزء المسؤول عن التعاطف بيكون أقل عند كلا الجنسين لما تكون المرأة اللي بيتم تجاهلها لابسة بشكل مثير!
٣٥
٣٥
بحسب ال Inversion Effect (هترجمها بنظرية الانعكاس)، الصور المقلوبة للأشخاص بيكون التعرف عليها أصعب من التعرف على الأدوات لأن المخ بيدرك الأشخاص بطريقة تعريفية أما الأدوات بيدركها بطريقة تحليلية. أكتر من دراسة لقت إن المخ بيدرك الصور المقلوبة للنساء المثيرات بنفس طريقة الأدوات.
٣٦
٣٦
الذكر المجرد الموصوف أعلاه لما نضيف له تعليم و ثقافة حقيقيين بيبدأ يبعد عن صورته الحيوانية و يتحول لرجل إنسان، فيقل اعتماده على قوة جسده (أساس الذكورية) في تعامله مع الآخر، و يزيد عنده شعور التعاطف (الإحساس بالآخر). و كل ما كان مجتمعه متحضر كل ما كانت نظرته للمرأة فيها مساواة.
٣٧
٣٧
التعليم/الثقافة/التحضر مش بيطولوا كل فئات المجتمع، و إذا حصل، فبيفضل في هامش كبير سواء للفكر الذكوري أو للانحرافات السلوكية و الاضطرابات النفسية. بالتالي وجود قوانين فاعلة ضد الاعتداءات الجنسية أمر لا مفر منه، لأنه هيفضل فرق التستستيرون لصالح الرجل بيمثل عامل خطورة على المرأة!
٣٨
٣٨
بناءاً على كل ما سبق، هل نقدر نقول إنه مفيش علاقة بين التحرش و بين ملابس المرأة؟ الإجابة لأ، في علاقة لكنها غير سببية. الملابس مش هي سبب وجود الظاهرة نفسها لأن التحرش بيحصل لأغلب الستات بغض النظر عن لبسهم، لكن في ملابس معينة بتزود احتمالية حدوث التحرش، و الستات عارفين ده كويس.
٣٩
٣٩
٥٠٪ من نساء فرنسا بيلبسوا بشكل أكتر حشمة في المواصلات العامة تجنباً للتحرش. مظاهرات بعنوان "My dress is not a yes" بتحصل في أكتر من مكان في العالم. في مصر، هتسمع بنات و ستات بيتكلموا عن حاجات نفسهم يلبسوها لكن شوارعنا لا تسمح! كل ده بيثبت إن الملابس بتمثل رقم في معادلة التحرش.
٤٠
٤٠
التمييز بين الرجل و المرأة في اليونيفورم يعتبر مخالفة لحقوق الإنسان في أونتاريو-كندا. صاحب العمل لو عاوز الموظفة تلبس چيبة و الموظف بنطلون لازم يقدم سبب وجيه و إلا هيعتبر عنصرية. القانون بيقول إنه ماينفعش المرأة تُجبر على ملابس تمتهن كرامتها و "تخليها أكثر عرضة للتحرش الجنسي".
٤١
٤١
التعريفات مهمة، إن المرأة تلبس بطريقة تقلل احتمالية التحرش بيها هو اختيار شخصي، إنها تلبس على مزاجها اسمه حرية شخصية، إن حد يتحرش بيها اسمه اعتداء. تبرير أي اعتداء هو تصرف همجي، فما بالك لو كان بسبب ممارسة إنسان لحريته! حتى لو الحرية دي ضد مرجعياتك فالاعتداء أيضاً ضد مرجعياتك!
٤٢
٤٢
في المقابل، في لبس نقدر نوصفه بالمستفز (ده المصطلح المستخدم في الغرب)، لو بتلبسيه لمجرد إنك بتحبيه، في غيرك بتلبسه علشان تلفت الانتباه، و في اللي بتلبسه علشان أكتر من كده. إنك تلبسي بالشكل ده و تستنكري النظرات/التعليقات و محاولات التعرف هيفضل من حقك، إلا إنه سلوك مربك الحقيقة!
٤٣
٤٣
My dress isn't a yes +
No means no =
إن الرجل هيحاول يعرف منك انتي YES or NO! الخطوة دي مش تحرش بقدر ما هي اهتمام جنسي غير مرغوب Unwanted Sexual Attention. إذا استمرت الخطوة بعد الرفض أو كان فيها إيحاء جنسي أو لمس أو كان للرجل سلطة على المرأة (مديرها مثلاً) تتحول الخطوة لتحرش.
٤٤
No means no =
إن الرجل هيحاول يعرف منك انتي YES or NO! الخطوة دي مش تحرش بقدر ما هي اهتمام جنسي غير مرغوب Unwanted Sexual Attention. إذا استمرت الخطوة بعد الرفض أو كان فيها إيحاء جنسي أو لمس أو كان للرجل سلطة على المرأة (مديرها مثلاً) تتحول الخطوة لتحرش.
٤٤
الملابس المثيرة مش بس بتأثر على سلوك الرجل، لكن على سلوك المرأة أيضا! الدراسات بتقول إن اللبس المثير بيُقابل بسلوك عدائي غير مباشر من كتير من النساء؛ نظرات و تعليقات و تجاهل.. إلخ. و إنه مع النساء الغريبات، المرأة بتميل للاحتشام تجنباً للسلوك ده و كمان علشان تقدر تكوّن صداقات.
٤٥
٤٥
في دراسة أخرى لقوا إن أغلب النساء بيستبعدوا حدوث صداقة بينهم و بين الستات اللي بتلبس بشكل مثير، و لو يعرفوهم، بيحاولوا يبعدوهم عن رجالتهم قدر الإمكان. ده بيؤكد نقطتين: إن حكم المرأة مايختلفش كتير عن حكم الرجل بخصوص ملابس النساء، و إن المرأة عارفة تأثير المظهر المثير على الرجل.
٤٦
٤٦
- أيوه بس أنا كإمرأة من حقي ألبس اللي عاوزاه من غير ما حد يتعرضلي بسوء.
- بلا جدال، لكن (للعلم فقط) في حد أدنى من المسؤولية بيقتضي أخذ حسابات الأمر الواقع في الاعتبار. الحياة غير عادلة، أغلب البشر بيتخلوا طواعية عن حقوق و حريات و طموحات و مشاعر لصالح الاختيارات الآمنة! و لكن..
٤٧
- بلا جدال، لكن (للعلم فقط) في حد أدنى من المسؤولية بيقتضي أخذ حسابات الأمر الواقع في الاعتبار. الحياة غير عادلة، أغلب البشر بيتخلوا طواعية عن حقوق و حريات و طموحات و مشاعر لصالح الاختيارات الآمنة! و لكن..
٤٧
هل المرأة فعلاً بتحب تلبس بالشكل ده ولا المرأة مبرمجة إنها تحب تلبس بالشكل ده؟! هل مبالغة المرأة في الاهتمام بمظهرها بيصب في مصلحتها و مصلحة قضاياها ولا العكس؟! هل المبالغة دي منطقية أصلاً؟!
اتكلمنا عن التشييء الجنسي و عن الأدوار التقليدية للجنسين، لكن خلينا نستخدم عدسة مكبرة:
٤٨
اتكلمنا عن التشييء الجنسي و عن الأدوار التقليدية للجنسين، لكن خلينا نستخدم عدسة مكبرة:
٤٨
من منظور علم النفس التطوري و نظريات زي الانتقاء الجنسي و الاستراتيجيات الجنسية، الرجل و المرأة علشان يقدروا ينافسوا في سوق التزاوج بيحاولوا امتلاك/إظهار الصفات اللي بيدور عليها الجنس الآخر. بعيداً عن صفات مشتركة، المرأة بتدور على الحماية/الطعام و الرجل بيدور على الصحة/الخصوبة.
٤٩
٤٩
صحة و خصوبة المرأة ارتبطت بمظاهر زي الشعر الطويل و الشفاه/الأثداء الممتلئة و ال low waist-hip ratio و احمرار الوجه و السن الصغير. بناءاً عليه، الرجل يسعى لامتلاك القوة/الثروة و المرأة تبرز ما يدل على حيويتها، و اللي ماعندهاش المظاهر دي بتستعين بما يعزز مظهرها علشان تقدر تنافس.
٥٠
٥٠
مظهر المرأة بدأ يتمحور حول الصفات الجسدية المنشودة من الرجل و ده بيفسر تفاصيل كتير لمظهر المرأة حتى وقتنا الحالي. المكياچ، حقن الشفايف، ال hair extension، تكبير الثدي/الأرداف، الملابس المفتوحة من عند الصدر و الضيقة عند الأرداف، الكورسيه، إخفاء آثار السن و إخفاء السن نفسه.. إلخ
٥١
٥١
في الدعارة، المرأة بتعتمد على مظهرها لجذب الزبائن. في غرف النوم، المرأة بتلبس لشريكها babydoll (الاسم لوحده تشييء جنسي). في التسويق، القاعدة الشهيرة sex sells قائمة على المرأة و مظهرها. في الأزياء، الجرأة و شعار embracing sexuality اقترنوا بالتحرر الجنسي و ظهور حبوب منع الحمل.
٥٢
٥٢
إبراز المرأة لمفاتنها و مبالغتها في اهتمامها بمظهرها ارتبط بدرجة أو أخرى (بيولوجياً و نفسياً و اجتماعياً) بالجنس. ده ماكانش اختيار، طبيعة جسد كل من الرجل/المرأة و صراع البقاء هما السبب. لو المرأة مثلاً كانت هي الأقوي، كان الرجل هو اللي هيلبس لشريكته بوكسر شيفون و بيجامة مخرمة!
٥٣
٥٣
لما متطلبات الحياة مابقتش متوقفة على قوة الجسد، و مع حركات التحرر، المرأة اقتحمت مجالات و حققت إنجازات و استقلت مادياً، بالتالي أصبحت أكثر انتقائية في اختيار الشريك. كان ممكن المرأة تستغل ده و ترسم صورة مختلفة عن صورتها النمطية كجسد بإنها تظهر بشكل طبيعي و عملي، لكن حصل العكس!
٥٤
٥٤
في ربط ما حصل بين تحرر المرأة و تحرر ملابسها رغم إن العكس هو اللي كان مفترض يحصل. التحرر الحقيقي يقتضي تخلص المرأة (و تخليص المجتمع) من الصورة النمطية ليها كجسد، لأن الصورة دي هي ميراث عصور من تبعية و خضوع المرأة للرجل و لرغباته. أحد أهم أسباب استمرار الصورة دي هو مظهر المرأة.
٥٥
٥٥
داروين ماكانش عنده تفسير لاستمرار وجود ريش ذكر الطاووس. فمن منظور التطور، الريش ده كان المفترض يختفي لأنه بيخلي الطاووس أبطأ و سهل الرصد و بالتالي سهل الافتراس! لكن داروين لما لقى أنثى الطاووس بتختار أجمل ذكر للتزاوج، عرف إن في صفات بتستمر لأسباب جنسية حتى لو كانت عبء تطورياً.
٥٦
٥٦
استمرار مبالغة المرأة في اهتمامها بمظهرها راجع لمكاسب اجتماعية/وظيفية/جنسية بتتحقق من ورا المظهر ده، لكنه بيمثل عبء في المقابل! بيعزز صورتها النمطية كجسد و ما لذلك من تبعات، بيربط ثقتها بنفسها و مكانتها بمدى جمالها/إثارتها، بيستهلك وقت/مساحة ذهنية مخصومين في النهاية من تطورها.
٥٧
٥٧
هيلاري كلينتون خلال حملتها الرئاسية قضت ٦٠٠ ساعة في المكياچ و تصفيف الشعر! المرات القليلة اللي ظهرت فيها بدون مكياچ كانت أخبار في الجرايد! بتقول إنها بتحسد الرجل إنه مش مضطر يعمل ده و إنها في كل مرة بتقعد على كرسي الكوافير بتتنهد و تحلم بمستقبل تكون فيه المرأة مش مضطرة لكل ده.
٥٨
٥٨
إليشيا كيز شبّهت نفسها بالحرباية و هي بتحكي ازاي مظهرها كان بيتغير على حسب معايير المجتمع من طفولتها لغاية ما بقت مغنية مشهورة! بتوصف أول جلسة تصوير ليها بدون مكياچ بإنها كانت أكتر لحظة حست فيها بالقوة و الحرية، و بتتمنى إن الستات يثوروا لأنها مش عاوزة تاني تغطي وشها أو عقلها.
٥٩
٥٩
كريستين كرافت رفعت قضية على القناة اللي كانت بتشتغل فيها لأنهم استبعدوها بسبب سنها (٣٧ وقتها) و مظهرها، و بتقول إن ده عنصرية ضد المرأة لأن المعايير دي لا تطبق على الرجل. كريستين مش استثناء، مظهر المرأة عامل مؤثر في اختيارها/بقاءها في كتير من الوظائف، السبب: النظرة للمرأة كجسد!
٦٠
٦٠
آدا هيجيربِرج بعد استلامها الكرة الذهبية، مقدم حفل البالون دور بيطلب منها تعمل "twerking" و كأن لسان حاله: عرفنا إنك بتعرفي تلعبي كورة.. يا ترى بتعرفي تقومي بمهامك النمطية؟ الغريب إن اللاعبة لا بتلبس مثير ولا من اللي بيصوروا مؤخراتهم على إنستاجرام! الشاهد: الصورة النمطية بتعم!
٦١
٦١
إحدى الدول العربية ارتبط اسمها عند بعض العرب بالنساء المثيرات. مع إن كل دولة فيها و فيها، إلا إن الربط ده حصل بسبب مظهر بعض نساءها في البرامج الترفيهية و مسابقات الجمال في بداية القنوات الفضائية في التسعينات و اللي كان الأجرأ عربياً. الشاهد: مظهر البعض كافي لجنسنة النظرة للكل.
٦٢
٦٢
تغيير نظرة المجتمع للمرأة كجسد (التشييء الجنسي) مش بالأمر السهل، في بزنس بالمليارات إما قائم على جسدها و بيقنعها بكل الوسائل إنها تستثمر فيه من ضوافر رجليها لأطراف شعرها علشان تصبح امرأة حقيقية، أو بيستغل جسدها لجنسنة sexualizing المحتوى اللي بيصنعه لزيادة المشاهدات/الإيرادات.
٦٣
٦٣
تأثير الميديا في تشكيل وعي المجتمع مهول خصوصاً على الأطفال و المراهقين. البنت بتكبر قصاد رسائل مباشرة و غير مباشرة بتقولها إنه انتي جسد و إن قيمتك في مظهرك، في المقابل الولد بيكبر قصاد نفس الميديا و بيكبر معاه شعوره بالاستحقاق تجاه المظهر ده و الجسد ده!
youtu.be
٦٤
youtu.be
٦٤
صادق خان عمدة لندن خد قرار بإزالة الإعلان اللي في الصورة من الشوارع، و رغم إن الإعلان قد يبدو عادي إلا إنه قال: مش المفترض إن المرأة تشعر بعدم الرضا عن جسدها و بالضغط النفسي بسبب إعلانات زي دي! الأهم من ده كان رد فعل الناس.. عملوا مظاهرة ضد الإعلان و كتبوا رأيهم على الإعلانات.
٦٥
٦٥
چيليت عملت إعلان فيه واحدة بتحلق شعر دراعها (المرأة في كتير من دول العالم مابتزيلش الشعر ده)، حصلت اعتراضات على الإعلان لأنهم عارفين تأثير ده على معايير المجتمع لمظهر المرأة، و قالوا إنهم في غنى عن مزيد من الأعباء. يقال إن حلاقة المرأة المستمرة لشعر الإبط بدأت بإعلان سنة ١٩١٥!
٦٦
٦٦
رقابة الإعلانات في بريطانيا منعت الإعلانين في الصورة، الأول لأن وش الموديل مش باين و وقفتها إيحائية و ده تشييء جنسي، التاني لأن راس الموديل اللي راجعة لورا مع فتحة بؤها و وضعية رجلها فيهم إيحاء جنسي. (بنات و ستات كتير بيتصوروا بتعبيرات/وقفات زي دي على السوشيال ميديا كأنه عادي)
٦٧
٦٧
إعلان فيه واحدة بتحكي إزاي حياتها اتغيرت بعد عملية تجميل، الإعلان اتمنع لاستغلاله لل body insecurities أو قلة ثقة المرأة في نفسها بسبب جسدها. الرقابة كمان بتمنع الإعلانات المبنية على الأدوار التقليدية للجنسين؛ راجل قاعد على الكنبة و الأولاد بيلعبوا و الأم بتنضف؛ الإعلان يتمنع.
٦٨
٦٨
نظرية الغرس الثقافي Cultivation Theory بتقول إن تكرار الرسائل و المفاهيم في الميديا بيشكل وعي المُشاهد على المدى الطويل، لدرجة تشبيه تأثيره بتأثير الأديان! أما ال Priming Theory (هترجمها بنظرية التمهيد) فبتقول إن المحتوى اللي بتشوفه بيأثر على سلوكك مباشرة بعد المشاهدة. مثالان:
٦٩
٦٩
مجموعتين من رجال و نساء، الأولى شافت أغاني مصورة فيها تشييء جنسي و تركيز على الجسد و التانية أغاني أقل تشييئاً، بعدها اتعرض عليهم صور نساء. باستخدام تقنية تتبع العين، مجموعة ١ (رجال و نساء) عينهم راحت لنفس مناطق الجسد اللي الكاميرا كانت بتركز عليهم في الأغاني على عكس مجموعة ٢.
٧٠
٧٠
مجموعتين من الرجال، الأولى شاهدت محتوى فيه تشييء جنسي و التانية محتوى عن الطبيعة. باستخدام كذا طريقة لتقييم سلوكهم بعد المشاهدة، المجموعة الأولى (على عكس التانية) أبدت نزعة أكبر للتحرش الجنسي، التقليل من شأن المرأة، إظهار صفات ذكورية: العنف، السيطرة، الجاهزية الجنسية دون سياق.
٧١
٧١
محمد رمضان في الأسطورة بيجبر أحمد عبدالله يلبس قميص نوم كإهانة و يمشي بيه في الشارع. فوق إهانته لكل الستات، المشهد اتحول لحقيقة في أكتر من حادثة! مشهد النهاية في إعلان عمرو دياب الأخير مهين للمرأة. في خناقة الراب الأخيرة البعض كان بيهين الآخر بتشبيهه بالمرأة. كل ده محتاج وقفة.
٧٢
٧٢
كل ما تُهان/تُعيَّر به المرأة هو نتاج ظروف نشأتها. طفلة و طفل خايفين و بيعيطوا، هي عادي و هو "خليك راجل". يكبروا و تقل حريتها و تزيد حريته بالتالي تجاربه/خبراته/جرأته. هي تخاف من كلام الناس و هو طز في الناس. و بعد ما كانوا بيلعبوا مع بعض بقت تخدمه و تستأذنه. ثم تُعيَّر بجنسها!
٧٣
٧٣
روبي اتمنت تبقى ولد لما اتمنعت من اللعب في الشارع و هي ١٢ سنة، إسعاد يونس ترد عليها بإنها كانت تتمنى تبقى راجل في أخلاقها. سبب أمنية روبي هو النظرة للمرأة كجسد، و سبب أمنية إسعاد هو النظرة الدونية للمرأة. التخلص من النظرتين دول (قدر الإمكان) هو سبيل المرأة الوحيد لمستقبل أفضل.
٧٤
٧٤
لما مصطلح التنمر دخل ثقافتنا بقينا نشاور على المشكلة بشكل أسهل و نعمل حملات ضدها بشكل أوضح. الحملة الأخيرة للمجلس القومي للمرأة (الإتجار بالبشر) خطوة مهمة لأن دي التسمية الصحيحة لكتير من الجرائم. مصطلحات زي العنصرية ضد المرأة و التشييء الجنسي و الجنسنة مهم جداً يدخلوا ثقافتنا.
٧٥
٧٥
المساواة لازم تبدأ من المدرسة.. قصص/مناهج مافيهاش أدوار تقليدية أو تنميط، "كل" النشاطات تكون للجنسين، في المرحلة الثانوية يدرسوا عن العنصرية ضد المرأة و التشييء الجنسي و الذكورية و ازدواجية معايير المجتمع و التنمر الجنسي و التحرش و سيكولوچيا المتحرش، كل ده من منظور علمي "فقط".
٧٦
٧٦
ليه مايكونش عندنا رقابة على الإعلانات زي بريطانيا؟ بشرط تكون مبنية على أسس علمية مش بطريقة "قيم الأسرة المصرية". أما الأعمال الفنية، ليه مايبقاش في رسالة تحذيرية في بداية كل عمل يحتوي على تشييء جنسي أو تنميط للمرأة؟! الرسالة دي هتساهم في زيادة الوعي و الرقابة الذاتية للمنتجين.
٧٧
٧٧
التلفزيون بيدخل كل بيت، بالتالي عليه مسؤولية فيما يخص تشييء المرأة و تنميطها. النصائح للمرأة لازم تكون على أسس علمية. مظهر المرأة على الشاشة مسؤولية أكتر منه حرية، الصورة المثالية غير الواقعية للبعض هي عبء نفسي على المشاهدات و معيار للمشاهدين لتقييم النساء، فرفقاً ببنات جنسكم.
٧٨
٧٨
المظهر سيظل حرية شخصية، لكن منطقي المرأة تسأل نفسها ليه الفرق في المظهر بينها و بين الرجل؟ التفاصيل؟ نسبة الملابس للجسد؟ ليه بلزق رموش و برسم وش على وشي؟ ليه كعب عالي متعب؟ اللي تلاقي إجابة مقنعة، تستمر و هندعم حريتها، و اللي ماتلاقيش غير الإجابة اللي في الثريد، فلما لا تتمرد؟
٧٩
٧٩
كلامي مش معناه المرأة تتغطى من فوق لتحت أو إنها تتحول لرجل، لكن كل ما هو sexy & hot لا يصب في صالح إدراك المجتمع لصورة المرأة. العبرة في التفاصيل، عاوزة تاخدي tan و جسمك يحس بالبحر زي الرجل، حقك، إلبسي شورت..
cause butts, bikini lines & even make-up have nothing to do with it!
٨٠
cause butts, bikini lines & even make-up have nothing to do with it!
٨٠
قلت إني مش هتكلم من منظور ديني/أخلاقي لكنهم أرقام في المعادلة، خصوصاً مسألة الحجاب و صفات زي النخوة/الشهامة. كمان كنت عاوز أتكلم عن الحرية و العادي و بنات التيك توك لكن الثريد لا يحتمل. ممكن مرة تانية. هكتفي بهذا القدر و هنهي بكلمات لسارة جريمكي مازالوا صالحين إلى الآن للأسف..
٨١
٨١
"أحد أهم العوائق في طريق المرأة للارتقاء لنفس مكانة الرجل حيث الحقوق/الكرامة/التطور، و حيث أراد الله لها أن تكون، هو حبها للملابس."
"يعلم الرجل أنه طالما ارتضينا مظهر العرائس فإننا لن ننافسه في الإنجاز و النفع، بل إنه على استعداد لتدليلنا مقابل حرماننا من حقوقنا الأساسية."
٨٢/٨٢
"يعلم الرجل أنه طالما ارتضينا مظهر العرائس فإننا لن ننافسه في الإنجاز و النفع، بل إنه على استعداد لتدليلنا مقابل حرماننا من حقوقنا الأساسية."
٨٢/٨٢
ياريت كل اللي يشوف إن الثريد يستحق النقاش يشاركه مع متابعيه..
#التشييء_الجنسي_للمرأة
#المرأة_ليست_جسد
#التشييء_الجنسي_للمرأة
#المرأة_ليست_جسد
Loading suggestions...