بالنسبه لحاله الطفله وشرحها
الحاله فعلا مثل ماتفضلو المبدعين بالتعليقات DKAلكن بشرحها لزياده المعلومات او الي مافهم بلغه مبسطه جدا واختصار
ارتفاع السكر وحموضه الدم (DKA)
هالحاله تصير لمرضى السكر النوع الأول، الاطفال غالبا. بحيث يكون عندهم خلل في انتاج الانسولين، البنكرياس ماينتجه

طيب وش نستفيد احنا من هالانسولين؟ وظيفته انك لما تاكل يرتفع السكر في الدم، الانسولين هذا ياخذ السكر من الدم ويدخله لداخل الخلايا، ليه؟ ببساطه عشان يصنع لنا طاقه.
طيب اذا كان هالانسولين ماهو موجود بسبب مرض السكر النوع الاول ايش راح يصير!

الانسان بياكل وبيروح السكر للدم بينما الخليه مايدخلها سكر عشان ان الانسولين ماهو موجود، فتقوم الخليه تطلب سكر اكثر فيضطر الجسم يكسر الدهون اللي فيه ويحولها الى سكر فيطلع من هالتكسير كيتونات وبالتالي هالكيتونات ترفع حموضه الدم ويدخل المريض في مرحله ارتفاع السكر وحموضه الدم.

هالحاله خطيره وتحتاج تدخل علاجي بسرعه، الاعراض نفس ماذكرنا بحاله الطفله تعب عام،النفس عميق وسريع ، السكر مرتفع كثير تبول بكثره ..الخ