जय हिंद! पंतप्रधान नरेंद्र मोदी आज कर्नाटकातील तुमकुरू येथे हेलिकॉप्टर निर्मिती करणारा कारखाना देशाला समर्पित करणार आहेत. हा हेलिकॉप्टर कारखाना आशियातील सर्वात मोठे हेलिकॉप्टर निर्मिती केंद्र आहे..(१)

हे युनिट सुरुवातीला लाइट युटिलिटी हेलिकॉप्टर (LUHs) तयार करेल. LUH हे स्वदेशी डिझाइन केलेले आणि विकसित केलेले 3-टन वर्गाचे, सिंगल-इंजिन बहुउद्देशीय हेलिकॉप्टर आहे. भविष्यात लाइट कॉम्बॅट हेलिकॉप्टर (LCH) आणि इंडियन मल्टीरोल हेलिकॉप्टर (IMRH) तसेच LCH, LUH, IMRH आणि..(२)

सिव्हिल अ‍ॅडव्हान्स्ड लाइट हेलिकॉप्टर (ALH) ची दुरुस्ती आणि इतर हेलिकॉप्टर तयार करण्यासाठी कारखान्याचा विस्तार केला जाईल. या कारखान्याकडे भविष्यात LUHs निर्यात करण्याची क्षमता देखील आहे..(३)

यामुळे भारताला सैनिकी हेलिकॉप्टर्सची आपली संपूर्ण गरज आता देशातूनच भागवता येणार असून हेलिकॉप्टरच्या डिझाईन, डेव्हलपमेंट व उत्पादन तिन्हीत भारत पूर्णतः स्वावलंबी बनला आहे. पुढील 20 वर्षांमध्ये HAL तुमकुरु येथून 3-15 टन श्रेणीतील 1000+ हेलिकॉप्टर तयार करण्याची योजना आहे.
जय हिंद!!