في يوم من الايام كنت في جنوب الرياض ولقيت إمرأه ومعها خمسه أطفال يأشرون على الخط رحمتهم ووقفت من باب الرحمه صيف والساعه ١١ صباح اخذتها وركبت وهي تبكي ودلتني ع الطريق وكانت تبغا بيت في الحي المجاور وقفت قالت ممكن تنتظرني قلت طيب لي ذلحين ماني بداري ايش العلم
دقت حول ثلث ساعه بعدها اطلبت جوالي ادق على امها ردت امها وعرفت صوت بنتها وقفلت ورجعت هي واطفالها وركبو قالت ابغاك ترجعني لنفس المكان قلت دليني م اعرف دلتني وهي تبكي كأني من الاحداث عرفت انها طالعه من بيتها وامها ارفضت تستقبلها وصلنا بيتها قلت اختي انتو في حاجة شي اسكتت وهي تبكي
قلت اختي اقدر اساعدكم !! قلت ممكن افهم شي عشان اقدر اساعدكم .. قالت زوجي مهستر ماهم بفي شي وكل يوم يضربني ولاعندي اخوان وكل م جيت امي تطردني وذلحين انا يامشرده في الشارع يا عند انسان خمار مريض فقير .. قلت اقدر اقدم اخدكم بشي ! قالت أحتاج أنزل لمدينه في الجنوب عند عمي
قلت عمك بيستقبلك ؟ قالت أيوه بس م قدرت أوصل له مالقينا حق الي يوصلنا له .. قلت هو راضي قالت ايوه كلمته من جوالي قلت معك فلان اليامي وهذي بنت اخوك لقيتها ووضعها كذا وكذا وتقول تبغى تجيك في الجنوب .. بكى قال اي والله ياولدي وانا شيبه سبعين سنه وفي القريه الفلانيه
ولاعندي من يخدمني في اي شي .. قلت هالمكالمه مسجله بيني وبينك ذلحين وجاوب ع اسئلتي ودي أحفظ نفسي وأحميها من اشياء كثير قال ابشر سئلته من اسمه الرباعي ثم سئلته وش اخدمك فيه قال جب بنتت أخي .. انت يافلان اليامي انا وكلت تجيب بنت اخي لي بيتي في القريه الفلانيه .. قلت ابشر
قفلت منه ونزلتها في بيتها قلت الساعه ٤ العصر بدق عليك جهزي نفسك وبجيك واشتريت لهم غداء ونزلتهم ومشيت لمستشفى الشميسي وخلصت أوراق أمي ورتبت اوراق عمليتها وتحاليها لي بعد بكره ومريت ذي الأنسانه الي م اعرف اسمها .. وخذتها هي واطفالها ومشينا
طلبتها كرت العايله وعطتني ياه .. قلت زوجش عرف انش مشيتي قالت زوجي يغيب عني بالأشهر مايدري وش حالنا .. جابت من نفسها الحديث عن حياتها هي من عايله مجرمين ابائها جدانها اكسبو ذنوب وأرجعت على عيالهم
قالت عمامي تسعه ، سبعه منهم ماجالهم صيب ، وابي جاب ثلاث بنات ، وعمي جاب بنتين معاقين وبنت سليمه وصبي باقي صغير وعايشين في القريه الفلانيه وانا الكبيره في ذي العايله وزوجوني وعمري ١٦ وامي اقسى عليِ من الحياه وابي توفى وزوجي مهستر وفقير ومعيشنا المُر والي أمر منّه
قالت قد بعت الورقيات ، وبعت حتى في البسطات ، وبعت في بقاله ، ولكن الانسان الضعيف الوحيد مضطهد في كل مكان وكل هميِ أكلّ عيالي ، وانا اعيش في بيت مافيه الا غرفه فيها لمبه ومروحه .. ونرقد كلنا فيها ولا به ثلاجه ، لمدة ثمان سنوات
أنسانه مكافحه في ملامحها جمال رباني لكن الفقر والعيشه الصعبه سلبتها روحها وسلبتها صحتها .. انسانه اذا تكلمت في طريقة كلامها بشاشه وفكاهه تذكر اصعب المواقف المؤلمه بطريقه مضحكه وبنفس الوقت العبره في حلقها
عيالها أجمل عيال قد شافتهم عيني في الدنيا ولكن الي يشوفهم يقول انهم عايشين في فقر اليمن .. وقفنا عند حدى المولات .. وقلت أشتري لكل طفل ١٠ لبسات صيفيه ٤ شتويه اذا لقيتي تبكي تحلف رفضت وأصريت ..وأشتري للعيال شنطه وللبنات شنطه كبيره
يوم قضت للعيال كلهم .. قلت حطي عيالش في الملاهي حقة المول حطتهم .. قلت أحسبي حسابش على أربعه ألاف أشتري الي يعجبك لك ملابس قامت تبكي تحلف ترفض وانا أصريت أتجهة تقضي لنفسها وانا جلست اشاهد ذا الاطفال الي كنهم ملايكه وهم يلعبون وانا أحسب الوقت وجلسة ساعه وثلث بالتمام
طلعنا وقفنا في مطعم ماك ونزلو في قسم العويل وتعشو وانا برا أفكر في عملية امي وفي ذي الأنسانه وذال في نفس الوقت من اشياء كثير طرت في بالي تعشو واطلعو علي ومشينا
ركبنا السياره قالت فلان تعشيهنت ؟
قلت اي بالله تعشيت برا لاني طلبت عشاي سفري الحنيه واللطف بارزه في روحها
ركبنا السياره قالت فلان تعشيهنت ؟
قلت اي بالله تعشيت برا لاني طلبت عشاي سفري الحنيه واللطف بارزه في روحها
طبعا انا شتريت ثلاجتين ووقفت في حدى المهيلات وعبيتها قهوه وشاهي واشتريت مكسرات وتمر وخذيت لنا بلكثه من البقاله واشياء كثير .. ومشينا وبدينا نقرب من ديرتهم طبعا كانت أنسانه بمعنى الكلمه وسولفت عن اشياء كثير عن الحياه واحداثها
سبب زواجها هو هروب من قسوة امها وابوها .. وابتلشت بأنسان دمار شامل وذوقها المراره في حياتها وعاشت بين زوج مهستر وعايله ظالمه وابتلشت باطفال وكل يوم ودائرة الحياه تتسع عليها بالألم فيها تفاصيل صغيره مؤلمه لا يصدقها الا الانسانه الي عاشتها
طبعا في الطريق عيالها يقولون بابا بابا لي ويلعبون معي وبراءة الاطفال سحر إلاهي .. وقفت عند محل جوالات وأشتريت لهم ثلاثه آيبادات واعطيهم ياها البنت الكبيره قامت تبكي كنه جاها صدمه ضامه امها وتبكي لقتره طويله انا ذليت انه صار لها شي
وصرنا في السياره كنحن عايله عمرها ١٠ سنوات وحن في الحقيقه عمر لقانا ساعات ولكن أعتقد أن المواقف هي أرزاق الي أجر والي فرج بعد صبر مشينا الجو بدا يبرد في الليل والمنطقه الي هم ساكنيين فيها ، جوها يبرد وحن في غمارة سياره مليانه سعاده مسجل وصوت تصفيق أطفال مبسوطين وريحة قهوه وحلاوى
مدري شعرت كأني لهذي العايله كأني رسول لهم أو المارد محقق الأحلام واصلنا طريقنا وأمي أدق وين انت ماضويهنت قلت انا بمسي عند فلان في شمال الرياض بجيكم يمكن القابله وان شاء الله عمليتش بعد بكره بنسرح صباح
مشينا وصلنا قريتهم الساعه ٨ صباح وقفت في سوق غنم في بداية القريه أشتريت خروف وذبحته واشتريت معه أغراض ماهي بشوي
وتمر واشياء كثير وأصخيت في المشترى ليه ؟
أنا فارح بالشيبه الي بينقذ هذي الأنسانه
وودي أكرمه بأي شكل وبنفس الوقت الانسانه الي معي حُرّه وودك تعطي الأصيل موقف
يليق به
وتمر واشياء كثير وأصخيت في المشترى ليه ؟
أنا فارح بالشيبه الي بينقذ هذي الأنسانه
وودي أكرمه بأي شكل وبنفس الوقت الانسانه الي معي حُرّه وودك تعطي الأصيل موقف
يليق به
وصلنا البيت عماره دورين وضيافه خارجيه
ووصلت ودخلت مع البوابه ولين قدامي فوق ١٧ رجال واقفين وكل شي يطري في بالي من بعض الاشياء الي قلبي خايف منها وقفنا ونزلت وقامو يرحبون وقام الشيبه يسلم علينا ويضم بزيته ويبكي
ووصلت ودخلت مع البوابه ولين قدامي فوق ١٧ رجال واقفين وكل شي يطري في بالي من بعض الاشياء الي قلبي خايف منها وقفنا ونزلت وقامو يرحبون وقام الشيبه يسلم علينا ويضم بزيته ويبكي
وانا مشغول بالبقيه سلام وتراحيب وحفاوه وعرب ربي حاط فيهم من الزين والقبله في كل شي الا حال بنتهم والله انه شين
قلطوني وانا برا رفضت الدخول لين ياخذون علمي برا عطيتهم العلم كامل وعطيتهم الكرامه الي اعتبروها منا ياهل السياره الي وصلنا انا يافلان ال فلان ومن بنتكم
قلطوني وانا برا رفضت الدخول لين ياخذون علمي برا عطيتهم العلم كامل وعطيتهم الكرامه الي اعتبروها منا ياهل السياره الي وصلنا انا يافلان ال فلان ومن بنتكم
طبعا العرب الي قابلتهم يعتبرون شيوخ قبيلتهم ومن كبارهم ومن أعيانهم ولكن الذنوب أحيان تضعف وتهدم بيوت العز
قلطنا وجوبو ان الغدا يطبخ وروني فاتورة المطعم يثبتون لي ان الكرامه تطبخ بخصوصنا
قلطنا وجوبو ان الغدا يطبخ وروني فاتورة المطعم يثبتون لي ان الكرامه تطبخ بخصوصنا
سولفنغ زاد الكلام ونقص اطلعو ان الرجاجيل الي قدامي ثلاثه من عمامها وخوالها وعيالهم
تغدينا على ثلاثه خرفان ، وبعد الغدا جلست انا وعمام المره وخوالها في المجلس نبغا نتكلم بخصوص المره قالو وش نجازيك به ؟
في فعلك مع بنتنا ؟
ماندري وش الي بيجملنا عندك ؟
تغدينا على ثلاثه خرفان ، وبعد الغدا جلست انا وعمام المره وخوالها في المجلس نبغا نتكلم بخصوص المره قالو وش نجازيك به ؟
في فعلك مع بنتنا ؟
ماندري وش الي بيجملنا عندك ؟
قلت عتبي الاول عليكم انكم عرب وبيوت رفيعه وبنتكم عايشه في الاهانه مع خمار
مهما كانت كراهيتكم لأبيها الي حط بينكم مشاكل وطلع من عندكم وراح لرياض ، وش ذنب بناته يعيشون في المهونه ؟؟
انتو رجاجيل وراعي الفسله قد مات
واليوم بنتكم تبقى بنتكم
ولا الاصايل يستاهلون عيشة الرُخص
مهما كانت كراهيتكم لأبيها الي حط بينكم مشاكل وطلع من عندكم وراح لرياض ، وش ذنب بناته يعيشون في المهونه ؟؟
انتو رجاجيل وراعي الفسله قد مات
واليوم بنتكم تبقى بنتكم
ولا الاصايل يستاهلون عيشة الرُخص
بناتكم يبقون بناتكم وانتو أهلهم مهما صار وكان .. وانا تشوفون لي عندكم جميل وتبغون تجزوني ؟ قالو صحيح .. طبعاً البنت ماعاد تبغا الزوج ولا الرياض تبغى ديرتهم تكون قريبه من اهلها العمام والخوال .. قلت بطلبكم طلب وابغى عليه اورقه وشهود ووجيه منكم قالو
تم
تم
قلت المره هي أختي والموقف الي صار يثبت ذلك والله الي يشهد قالو صادق وهي أختك موقفك موقف أخ بعيد عن الكلام والمجامله .. قلت البنت طالبو بطلاقها ورتبو بيت ابيها لها ولخواتها لي انزلو من الرياض
وانها تعيش بدون ضهد او جور او صرخ منكم يا اهلها وخوالها وتصيرون لها ولعيالها آباء
وانها تعيش بدون ضهد او جور او صرخ منكم يا اهلها وخوالها وتصيرون لها ولعيالها آباء
لو جهي انا يافلان بن فلان .. قالو تم وهذي ورقه وهذولا فلان وفلان شهود وحطو وجيهم ان الي طلبهنته وعاد حن بنعطيها زود من عندنا لها .. كتبنا الورقه قلت امي عمليتها بكره ضروري ارجع لرياض عطيتهم وعد لأرجع دعيت المرأه وخليتها تقرأ الورقه قدام خالها وعمها فبكت وبكو من بكاها
قلت بما انش اختي في الطُرقه والفزعه هلش رجاجيل وهل وفاء وقدش بنتهم تراني طلبتهم الي في الورقه وبينفذ في الوقت القريب رد جميلهم لي وعطيتش ياه .. ولي عليكم رجعه بعد عملية امي .. مشيت من عندهم وصلت الرياض
سوينا عملية أمي خذيت يومين وليني برساله جلسة ساعتين أقراه لاني شفت صدق الشعور فيه المرأه كتبت رساله أشبه للفلسفه أكثر من الشكر .. مشت الايام يدقون علي اهلها خوال وعمام شبه يومياً
المرأه معها شهايد ودورات ولكن الزوج المريض دمرها وهدمها .. وخالها معه شركه ويحتاج موظفين على المحاسبه عن بعد ووظفها براتب سته ألاف
وعمامها اثثو بيت ابيها عماره دور ورجعوها جديده .. سعو في الطلاق وطلقوها منه
وعمامها اثثو بيت ابيها عماره دور ورجعوها جديده .. سعو في الطلاق وطلقوها منه
طبعاً قطع خوالها وعمامها لها بسبب امها وابيها كانو اصحاب اذى واطلعو لرياض والبنات عاشو ضحايا .. والعمام اغلبهم م ينجب والكبير السبعيني فيه خير ولكن م في يده شي ولكن بعد لقاي فيهم وشافو شكل بنتهم الشينه تكاتفو في ستر بنتهم وتجملو عندها
في اثناء هذي المعمعه تجيني وظيفه ويجيني أمر ماكنت احلم فيه من الله والله العظيم لو سعيت وراه انا وقبيلتي كلهم مانحصله جاني لي عند باب بيتي عرفت انه عمل طيب الي سخر هذا الأمر .. الي تقدمه اليوم تلقاه بكره زين او شين ..
كل عيد ينزل واحد من عماها ولا خوالها نجران يزورني في البيت وصارت صداقه وعلاقه شبه عايله .. لدرجة ان المرأه أتواصل مع امي شبه يومياً وكل سنه وهدية أمي واصلتها #النصيحه من حوله من أقاربه حد متغرب فيفقد حاله ويسئل عنه بالأخص الي يزوجون بناتهم ويطلعون برا نجران ..#أفقدو_أقاربكم
Loading suggestions...